Friday, May 21, 2010

മാന്യന്മാരുടെ ഭാഷയും മാന്യരല്ലാത്തവരുടെ ഭാഷയും !

മാന്യമായ ഭാഷ സവര്‍ണ്ണ ഭാഷയാണെന്ന് നമുക്കറിയാം. മാന്യ ഭാഷയില്‍ കാര്യങ്ങള്‍ പറഞ്ഞാലും എഴുതിയാലും മാത്രമേ സമൂഹത്തിന്റെ അധികാര കേന്ദ്രങ്ങളില്‍ ഒരേ തുവ്വല്‍ പക്ഷികളായി തിരിച്ചറിയപ്പെടുകയും, അനുകൂലമായ പരിഗണന ഉണ്ടാകുകയുമുള്ളു എന്നതിനാല്‍ നമ്മളോരോരുത്തരും സവര്‍ണ്ണ ഭാഷ ഉപയോഗിക്കാന്‍ നിര്‍ബന്ധിതരാണ്. സവര്‍ണ്ണ ഭാഷ വെറും ആശയവിനിമയത്തിനായുള്ള അക്ഷരവിദ്യ മാത്രമല്ല. അതിനകത്ത് സവര്‍ണ്ണ സാംസ്ക്കാരികതയും സവര്‍ണ്ണ രാഷ്റ്റ്രീയവും എംബെഡ് ചെയ്യപ്പെട്ടിരിക്കുന്നു. ബ്രാഹ്മണ്യത്തിന്റെ വിവേചനപൂര്‍ണ്ണവും ദാസ്യമനോഭാവം ഊട്ടിയുറപ്പിക്കുന്നതുമായ സാമൂഹ്യക്രമം സവര്‍ണ്ണ ഭാഷ ഉപയോഗിക്കുന്നവര്‍ സ്വാഭാവികമായും ഉള്‍ക്കൊള്ളേണ്ടിവരും. അങ്ങനെയാണ് നമ്മളെല്ലാം മാന്യന്മരാകുന്നതും മൂല്യശോഷണം വന്ന ഷണ്ഡമായ ഒരു പരാന്നജീവി വിഭാഗമായി സമൂഹ ഉപരിതലത്തില്‍ പൊങ്ങിക്കിടക്കുന്നതും. നമുക്കു മുകളില്‍ ബ്രാഹ്മണ്യം മാത്രമേ ഉള്ളെന്നും, നമുക്കുതാഴെ മുന്‍‌ജന്മ സുകൃതശോഷണത്തിന്റെ ഫലമായി കഷ്ടതയും പീഢനവും അനുഭവിക്കുന്ന ഒട്ടേറെ നികൃഷ്ട ജാതികളുണ്ടെന്നും, അവരുടെ ഭാഷ അവര്‍ണ്ണമാണെന്നതും നമുക്ക് അഭിമാനകരമായ അറിവും പാരംബര്യത്തിന്റെ ആനത്തഴംബുമാകുന്നു. സര്‍ക്കാര്‍ സ്ഥാപനങ്ങള്‍,പൊതു ഭരണ കേന്ദ്രങ്ങള്‍,പോലീസ്,കോടതി തുടങ്ങിയ സ്ഥലങ്ങളില്‍ നമുക്ക് സവര്‍ണ്ണ ഭാഷയേ ഉപയോഗിക്കാനാകു. ഇവിടങ്ങളില്‍ തന്നെ ചില സ്ഥലങ്ങളില്‍ സവര്‍ണ്ണ ഭാഷയും പോരാതെ വരുന്ന ഇടങ്ങളുമുണ്ട്. അവിടെ മുറി ഇംഗ്ലീഷ് മുതല്‍ ഒഴുക്കോടെയുള്ള ഇംഗ്ഗ്ലീഷ് ഭാഷയായിരിക്കും
മാന്യ ഭാഷയാകുക. ഇങ്ങനെ ഭാഷ നമ്മുടെ സമൂഹത്തിലുള്ള സ്ഥാനത്തെ അടയാളപ്പെടുത്തുന്ന വ്യവസ്ഥിതി ശക്തമായി നിലനില്‍ക്കുന്നുണ്ട് എന്ന യാഥാര്‍ത്ഥ്യം നാം മനസ്സിലാക്കേണ്ടതുണ്ട്.

സവര്‍ണ്ണഭാഷ
പൊതു സമൂഹത്തില്‍ സാംബത്തികമായി മികച്ചുനില്‍ക്കുന്നവരുടെ കൂട്ടായ്മയുടെ അടയാള ഭാഷയാണ് സവര്‍ണ്ണ ഭാഷ. അതായത് ഒരു ഹൈ ക്ലാസിന്റെ ഭാഷ. സാംബത്തിക അഭിവൃദ്ധിക്കായി ഉപേക്ഷിക്കേണ്ടിവരുന്ന മാനുഷിക മൂല്യങ്ങളും,സ്വാതന്ത്ര്യചിന്തയും,ആത്മാഭിമാനവും,സമത്വ ബോധവും സവര്‍ണ്ണ ഭാഷയെ സാമൂഹ്യ ചൂഷണത്തിനായുള്ള ഉപകരണംകൂടിയാക്കുന്നുണ്ട്. അതുകൊണ്ടുതന്നെ സവര്‍ണ്ണ ഭാഷ അധികാരിവര്‍ഗ്ഗത്തിന്റെ ഉടമസ്തതയിലായിരിക്കും. ഒരു സ്വതന്ത്ര ജനാധിപത്യ രാജ്യത്ത് സവര്‍ണ്ണ ഭാഷക്ക് പരിഹാസ്യമായ നിലനില്‍പ്പിനേ സാധ്യതയുള്ളു എങ്കിലും,നമ്മുടെ സമൂഹത്തില്‍ സവര്‍ണ്ണഭാഷയുടെ മാന്യത വര്‍ദ്ധിക്കുന്നത് സമൂഹം പിന്‍ തിരിഞ്ഞു നടക്കുന്നു എന്നതിന്റെ തെളിവായിവേണം കാണാന്‍.

അവര്‍ണ്ണ ഭാഷ
ഇവിടെ അവര്‍ണ്ണം എന്നതുകൊണ്ട് ഉദ്ദേശിക്കുന്നത് ഏതാണ്ട് നൂറു കൊല്ലം മുന്‍പുവരെ ബ്രാഹ്മണ്യത്തിന്റെ ഹൈന്ദവ സവര്‍ണ്ണ ജീര്‍ണ്ണ സംസ്ക്കാരത്തില്‍ ഉള്‍പ്പെടാതിരുന്ന കേരളത്തിന്റെ അന്യ ജനങ്ങളെയെല്ലാം ഉദ്ദേശിച്ചാണ്. അതായത് ബ്രാഹ്മണ്യത്തിന്റെ വര്‍ണ്ണ വ്യവസ്ഥ അംഗീകരിക്കാത്തവര്‍.
സമൂഹത്തില്‍ ഏവര്‍ക്കും ഒരുപോലെ മനസ്സിലാകുന്ന ഭാഷ എന്ന നിലയില്‍ അവര്‍ണ്ണ ഭാഷക്ക് മാനുഷികമായി മഹനീയ സ്ഥാനമാണുള്ളത്.ഏവര്‍ക്കും-സവര്‍ണ്ണനും അവര്‍ണ്ണനും,ദരിദ്രനും ധനികനും മനസ്സിലാകുന്ന ഭാഷ എന്നാല്‍ സത്യസന്ധവും സുതാര്യവുമായ ഭാഷയാണ്. അതില്‍ ഗൂഢനിര്‍മ്മിതികളില്ല. സ്വാര്‍ത്ഥ രാഷ്ട്രീയത്തിന്റെ ചതിക്കുഴികളില്ല. വിവേചനങ്ങളില്ല. വിയര്‍പ്പിന്റെ ഉപ്പും, അദ്ധ്വാനത്തിന്റെ കരുത്തും, സാമൂഹ്യ ബോധത്തിന്റെ സ്നേഹവും അവര്‍ണ്ണ ഭാഷയില്‍ നിന്നേ അനുഭവിക്കാനാകു. എല്ലാ മനുഷ്യരേയും ഒരുപോലെ കാണുന്ന അവര്‍ണ്ണ ഭാഷക്ക് ജാതി ചിന്തയില്ല.അവര്‍ണ്ണ ഭാഷയെ ജാതി ചിന്തയുള്ള സവര്‍ണ്ണഭാഷക്കാര്‍ ഭയക്കുന്നതിന്റെ മുഖ്യ കാരണം അവര്‍ണ്ണ ഭാഷയില്‍ പുട്ടിന് തേങ്ങയിടുന്നതുപോലെ മൂര്‍ച്ചയേറിയ ചരിത്രത്തിന്റെ വാള്‍മുനയുള്ള വാക്കുകളുണ്ടാകുമെന്നതാണ്.

ഈ അവര്‍ണ്ണ ഭാഷയില്‍ ബ്ലോഗില്‍ ചരിത്രസത്യ അപഗ്രഥനങ്ങള്‍ നടക്കുംബോള്‍ ജാതി പിശാചുക്കള്‍ക്ക് ഭൂമികുലുക്കം അനുഭവപ്പെടുന്നത് സത്യം ഏവര്‍ക്കും മനസ്സിലാകുന്ന അവര്‍ണ്ണ ഭാഷയില്‍ വിനിമയം ചെയ്യപ്പെടുന്നു എന്ന സവര്‍ണ്ണ അജണ്ടയുടെ ലംഘനം നടക്കുന്നതുകൊണ്ടാണ്. എന്തുകൊണ്ട് നിങ്ങള്‍ക്ക് മാന്യ ഭാഷയില്‍ (സവര്‍ണ്ണ ഭാഷയില്‍)പോസ്റ്റുകളെഴുതിക്കൂട ? എന്ന് പലരും നിഷ്ക്കളങ്കമായി ചോദിക്കുന്നതുകാണാം. ജനങ്ങളുമായി സംവദിക്കാത്ത ഭാഷയില്‍ കനത്ത എന്‍സൈക്ലോ പീഡിയകളിലും ചരിത്ര ഗ്രന്ഥങ്ങളിലും നിത്യമായി ഉറങ്ങാനായി സൃഷ്ടിക്കപ്പെടുന്ന സത്യത്തിന്റെ ഫോസിലുകള്‍ ജനങ്ങള്‍ക്കിടയിലെ വേര്‍തിരിവ് കാത്തുസൂക്ഷിക്കുന്നതിനു വേണ്ടിയുള്ള
പാണ്ഡിത്യ കാപട്യം മാത്രമാണ്. ജനങ്ങളിലേക്ക് സത്യം എത്തിച്ചേരാന്‍ ഔപചാരികതകളോ ഭാഷയുടെ കനത്ത മതില്‍ക്കെട്ടുകളോ ഇല്ലാത്ത സ്നേഹത്തിന്റേയും നന്മയുടേയും സത്യത്തിന്റേയും അവര്‍ണ്ണ ഭാഷതന്നെ സ്വീകരിക്കേണ്ടതുണ്ട്. അത് എത്ര മാന്യതയില്ലാത്തതായാലും,അസഭ്യമെന്ന് ആക്ഷേപിക്കപ്പെട്ടാലും!

സാമൂഹ്യമായി കൊടിയ ചൂഷണത്തിനു പാത്രീഭവിക്കുന്ന ഭൂരിപക്ഷ ജനതയായ അവര്‍ണ്ണരുടെ ഭാഷ എന്ന നിലയില്‍
അവര്‍ണ്ണ ഭാഷക്ക് സമൂഹത്തില്‍ വന്‍ മാറ്റങ്ങള്‍ക്ക് കാരണമാകാനുള്ള ആന്തരിക ശക്തിയുണ്ട്.അവര്‍ണ്ണര്‍ അതു തിരിച്ചറിയാത്ത കുഴപ്പമേയുള്ളു. അവര്‍ണ്ണ ഭാഷയുടെ ഒരു വാക്കിനു പോലും സവര്‍ണ്ണ ദുരഭിമാനങ്ങളുടെ സാംസ്ക്കാരികജീര്‍ണ്ണതയുടെ അടിത്തറ തകര്‍ക്കാനുള്ള ശേഷിയുണ്ട്. ആയിരക്കണക്കിനു കൊല്ലങ്ങളുടെ ചരിത്ര നിക്ഷേപത്തിലൂടെ ഘനീഭവിച്ചുണ്ടാകുന്ന സത്യത്തിന്റെ തനിപകര്‍പ്പുകളോ സഞ്ചിത നിധിയോ ആയ അവര്‍ണ്ണഭാഷ പദങ്ങളെയാണ് സവര്‍ണ്ണ ഭാഷ തെറി എന്ന് വിശേഷിപ്പിച്ച് തങ്ങളുടെ ശബ്ദകോശങ്ങളില്‍ നിന്നും പടിയടച്ച് പിണ്ഢം വച്ച് മറക്കാന്‍ ശ്രമിക്കുക! ഈ പദങ്ങളെ വീണ്ടും സാംസ്ക്കാരിക തലത്തില്‍ ഓര്‍മ്മിപ്പിക്കുക എന്നതാണ് സാമൂഹ്യസമത്വത്തിനായുള്ള സാംസ്ക്കാരിക പ്രവര്‍ത്തനത്തിന്റെ നല്ലൊരു ഉപായം. തെറികളെന്ന് പൊതുവെ വിശേഷിപ്പിക്കപ്പെടുന്ന പദങ്ങള്‍ മാത്രമല്ല,അവര്‍ണ്ണന്‍ ഉപയോഗിക്കുന്ന ഏതു വാക്കിനും ഈ പാരംബര്യത്തിന്റെ കരുത്തുണ്ട്.

വാക്കുകള്‍ നശിപ്പിക്കപ്പെട്ടതിന്റെ ചില ഉദാഹരണങ്ങള്‍ നോക്കുക: നമ്മുടെ സമൂഹത്തിലെ രാജ കൊട്ടാരങ്ങളിലേയും,നാടുവാഴി വീടുകളിലേയും മാന്യ സ്ത്രീകളെന്ന് കരുതിയിരുന്നവരാണ് മലയാളത്തിലെ സന്ദേശ കാവ്യങ്ങളിലൊക്കെ മുഖ്യ കഥാപാത്രങ്ങളായി അവതരിപ്പിക്കപ്പെടുന്ന തേവിടിശ്ശികള്‍. തേവ്ടിശ്ശികളില്‍ പലരേയും വിവാഹം കഴിച്ചിരിക്കുന്നത് നാടുവാഴികളോ രാജാക്കന്മാരോ ആയിരിക്കും.ഇവര്‍ക്കെല്ലാം മാന്യമെന്ന് അന്ന് കരുതപ്പെട്ടിരുന്ന ഒന്നില്‍ കൂടുതല്‍ ബ്രാഹ്മണരുമൊത്തുള്ള ലൈംഗീക ബന്ധങ്ങളുമുണ്ടാകും. അതുപോലെത്തന്നെയാണ് കൂത്തച്ചികളും,പൊലിയാടിച്ചികളും. അന്ന് ദേവ കന്യകകളായിരുന്ന, ബഹുമാന്യ പദവികളിലിരുന്ന ഈ സ്ത്രീ രത്നങ്ങളെ അവരുടെ ജീവിത രീതിയെ അടിസ്ഥാനപ്പെടുത്തി സവര്‍ണ്ണ സാംസ്ക്കാരികതക്ക് പുറമെ നിന്നിരുന്ന ആകെ ജനസംഖ്യയുടെ 90%ലേറെവരുന്ന അഹിന്ദുക്കളായ അവര്‍ണ്ണ ജനം വേശ്യകള്‍ എന്നാണ് തിരിച്ചറിഞ്ഞ് ഭാഷയില്‍ രേഖപ്പെടുത്തിയിരിക്കുന്നത് ! അവര്‍ണ്ണരും സവര്‍ണ്ണരും ഇടകലരാതെ മാറി നിന്നിരുന്നതിനാല്‍ പൊലിയാടിച്ചികളും കൂത്തച്ചികളും തേവ്ട്ശ്ശികളും മാന്യരായി സവര്‍ണ്ണ ഗൃഹങ്ങളില്‍ ദേവകന്യകകളായി വാഴ്ത്തപ്പെടുംബോള്‍ തന്നെ അവര്‍ണ്ണ സമൂഹം അവരെ വേശ്യകളുടെ ബ്രാഹ്മണ്യ ബ്രാന്‍ഡ് രൂപങ്ങളായി പരിഹാസത്തോടെ വ്യവഹരിച്ചിരുന്നു.
ആ വ്യവഹാരത്തിന്റെ അറിവ് വെള്ളക്കാരുടെ വരവോടെ ബ്രാഹ്മണ്യ സാമൂഹ്യ വ്യവസ്ഥിതിയുടെ വിള്ളലുകളിലൂടെ സവര്‍ണ്ണതക്കകത്തേക്ക് പ്രവേശിക്കുകയും, സവര്‍ണ്ണ കാപട്യം വിവസ്ത്രമാക്കുന്ന, തൊലിയുരിക്കുന്ന തെറിയായി മനസ്സിലാക്കി സവര്‍ണ്ണ അച്ചിമാരായ പൊലിയാടിച്ചി വാക്കുകളെ പടിയടച്ച് പിണ്ഢം വച്ച് സവര്‍ണ്ണതയെ കുലിനമാക്കാന്‍ ശ്രമിച്ചതിന്റെ ഫലമായാണ് ചരിത്രമുറങ്ങുന്ന ആ വാക്കുകളെ നമുക്ക് നോക്കാന്‍ പോലും ഇന്ന് അറപ്പുതോന്നുന്നത്! തല്‍ഫലമായി ഇന്ന് സവര്‍ണ്ണ സാംസ്ക്കാരികത പിന്‍പറ്റുന്നവര്‍ക്കു മാത്രമല്ല,അവര്‍ണ്ണര്‍ക്കും ഈ വാക്കുകള്‍ അസഭ്യവും തെറിയും മാന്യതയില്ലാത്തവരുടെ വാക്കുകളുമാകുന്നു. അവര്‍ണ്ണ ജനതയുടെ സത്യസന്ധമായ അറിവിനെ ഭയന്ന സവര്‍ണ്ണത ആ വാക്കുകളെ കരളു പിളര്‍ക്കുന്ന തെറിയായി തിരിച്ചറിയുന്നതില്‍ അവര്‍ണ്ണ ഭാഷ സംസാരിക്കുന്നവര്‍ നിര്‍ദ്ദോഷികളാണെന്ന് പറയേണ്ടതില്ലല്ലോ ! ഇതില്‍ നിന്നും നാം മനസ്സിലാക്കേണ്ടത് സവര്‍ണ്ണവും മാന്യവുമായ ഭാഷ എന്നത് കപടവും,ശുഷ്ക്കവും,കൃത്രിമവുമായ ഇടുങ്ങിയ സ്വാര്‍ഥ ഭരണ വര്‍ഗ്ഗത്തിന്റെ ഭഷയാണ് എന്നാണ്. നമ്മള്‍ തെറ്റിദ്ധരിച്ചിരിക്കുന്നതുപോലെ മനുഷ്യത്വത്തിന്റേയോ നന്മയുടേയോ ഭാഷയല്ല !!!

ഇത്രയും പറയുംബോള്‍ പഴയകാല സ്ത്രീകളെ ഇങ്ങനെ അധിക്ഷേപിക്കാമോ എന്നൊക്കെയാണ് സ്ത്രൈണ ബുദ്ധിയുള്ള കുഞ്ഞിരാമന്മാര്‍ പരിദേവനവുമായി വരിക. സമൂഹത്തിന്റെ സാംസ്ക്കാരികതയുടെ വാഹകരായ സ്ത്രീകളില്‍ അധികാരത്തോട് ഒട്ടി നിന്നിരുന്നവര്‍ എത്രമാത്രം ജീര്‍ണ്ണിച്ചിരുന്നു എന്ന അറിവ് ഒരു സമൂഹത്തിന്റെ ജീര്‍ണ്ണതയുടെ പാതാളത്തെ തൊട്ടുകാണിക്കുന്ന ഘടകമാണ്.ആ അറിവ് ജനകീയ (അവര്‍ണ്ണ)ഭാഷയുടെ വാക്കുകളിലാണ് ചരിത്രം രേഖപ്പെടുത്തിവക്കുക. അതിനാല്‍ ഈ ചരിത്ര വസ്തുതയെ അപഗ്രഥിക്കുന്നത് സ്ത്രീ പീഢനമാണെന്നൊന്നും നിരൂപിക്കാതിരിക്കുക. മാന്യതയുടേയും മാന്യതയില്ലായ്മയുടേയും ഭേദവ്യത്യാസം മനുഷ്യത്വ രഹിതമായ വിവേചനം എന്നിവ ബോധ്യപ്പെടാന്‍ ഇത്തരം അപഗ്രഥനങ്ങള്‍ക്കേ കഴിയു. അല്ലാത്ത പക്ഷം സത്യത്തിനു മാന്യമായ ഉടുപ്പില്ല എന്ന് അപഹസിച്ച് സത്യം സമൂഹത്തില്‍ നിന്നും ആട്ടിയോടിക്കപ്പെട്ടുകൊണ്ടിരിക്കും. ഇപ്പോള്‍ നമ്മുടെ സമൂഹത്തില്‍ നടക്കുന്നത് അതാണല്ലോ !

അവര്‍ണ്ണമോ സവര്‍ണ്ണമോ ആകട്ടെ, ഒരു വ്യക്തിയുടെ അഭിപ്രായ സ്വാതന്ത്ര്യവും ആവിഷ്ക്കാര സ്വാതന്ത്ര്യവും പരമ പ്രധാനമാണ്,പരിപാവനമാണ്. ആര്‍ക്കും അതിനെ മൂടിക്കെട്ടാന്‍ അവകാശമുണ്ടായിരിക്കരുത്. ഉണ്ടെങ്കില്‍ അത് തിന്മയുടെ അധികാര ദാഹം മാത്രമാണ് !!!
ആരെയെങ്കിലും വ്യക്തിപരമായി ആക്രമിക്കുന്നതോ,ആക്രമണ ഭീഷണി നടത്തുന്നതോ,മോഷണമോ പിടിച്ചുപറിയോ നടത്തുന്നതുമല്ലാതെ മറ്റൊന്നും തന്നെ ബ്ലോഗില്‍ കുറ്റകൃത്യമായി വിശേഷിപ്പിക്കപ്പെടരുതെന്ന് ചിത്രകാരന്‍ പ്രബുദ്ധരായ ബ്ലോഗര്‍മാരോട് അഭ്യര്‍ത്ഥിക്കുന്നു.
ഇതു സംബന്ധമായി ശ്രദ്ധയില്‍ പെട്ട പോസ്റ്റുകള്‍:
1)ജനാധിപത്യത്തിന്റെ അന്ത്യവും മാടമ്പിത്തത്തിന്റെ ഉദയവും മലയാളം ഇന്റര്‍നെറ്റില്‍
2)വിചിത്രകേരളത്തില്‍ ഫയല്‍ ചെയ്യപ്പെടുന്ന അസഹിഷ്ണുതകള്‍
3)ബ്ലോഗര്‍ ശംഖുവരയന്‍ അറസ്റ്റില്‍!
4)സൈബര്‍ കേസ്‌, ചിത്രകാരന് ഒരു തുറന്ന കത്ത്
5)വിചിത്രകേരളം പത്ര വാര്‍ത്തകള്‍
6) വിചിത്ര കേരളം ബ്ലോഗ്ഗര്‍ പിടിയില്‍
7)സമുദായത്തിനെതിരെ ബ്ലോഗ്: ഉടമ അറസ്റ്റില്‍
8)ജാതിയും 'മതനിരപേക്ഷ'രരും
9)ചിത്രകാരനു സ്നേഹപൂർവ്വം
10)ബ്ലോഗിലെ വിഷജന്തുക്കള്‍
11)ജനാധിപത്യത്തില്‍ എത്രകഴഞ്ച് അഭിപ്രായ സ്വാതന്ത്ര്യമുണ്ട്
12)വിവാദമായിത്തീര്‍ന്ന ബ്ലോഗിന്റെ ഗൂഗിള്‍ കാഷ് മെമ്മറിയില്‍ ലഭ്യമായ പേജ് ലിങ്ക്
13)മാതൃഭുമിയും നായര്‍ സ്ത്രീയെ വേശ്യയാക്കുന്നു????
14)ജാതി-മത ഭ്രാന്തന്മാരും നമ്മുടെ സഹോദരങ്ങളാണ് !
15)മാന്യന്മാരുടെ ഭാഷയും മാന്യരല്ലാത്തവരുടെ ഭാഷയും !
16)നായര്‍ സംഘടന vs വിചിത്രകേരള ബോഗുടമസ്ഥന്‍ കേസിന്റെ വിവക്ഷകള്‍?
17)ജാതി സവര്‍ണന്മാരോട് പറയാനുള്ളത്....

19 comments:

chithrakaran:ചിത്രകാരന്‍ said...

ഭാഷ മാന്യമാകുന്നത് അധികാരത്തോടുള്ള/ഭരണ വര്‍ഗ്ഗത്തോടുള്ള ദാസ്യഭാവം ഉയര്‍ത്തിപ്പിടിക്കുംബോഴാണ്. സത്യത്തില്‍ അടിമത്വ-ഉടമസ്ത വ്യവസ്ഥിതിയുടെ അവശേഷിപ്പാണ് മാന്യ ഭാഷ. വസ്തുതാപരമായി എല്ലാം ആശയവിനിമയത്തിനുപയോഗിക്കുന്ന അക്ഷരങ്ങള്‍ തന്നെ ! അധികാരത്തെ അവഗണിക്കാന്‍ ബൌദ്ധികശേഷിയുള്ളവരുടെ
അക്ഷരങ്ങള്‍ മാന്യമാകണമെന്നില്ല.
മാന്യഭാഷ വ്യക്തിപരമായ സാംബത്തികാഭിവൃദ്ധിക്ക് ഗുണകരമായ ഭാഷയാണെന്നതില്‍ തര്‍ക്കമില്ല. പക്ഷേ, അത് ഒരിക്കലും സാധാരണ ജനങ്ങളുടെ ഭാഷയാകില്ല. സാമൂഹ്യ ചൂഷണത്തിന്റെ ഉപകരണം മാത്രമാണ് മാന്യ ഭാഷ. ആ ചൂഷണത്തിന്റെ ഭാഗം പറ്റാതെ നെറ്റ് ഉപയോക്ത്താവാനുള്ള അവസരം ലഭിക്കാനിടയില്ലെന്നതിനാല്‍ ചിത്രകാരനും മാന്യ ഭാഷ പറയുന്നവനാണ്. ആ കുറ്റബോധം തീര്‍ക്കാനെങ്കിലും വല്ലപ്പോഴും ദരിദ്രന്റെ ഭാഷ ഈ ബ്ലോഗില്‍ ഉപയോഗിക്കാന്‍ മാനവികത ചിത്രകാരനെ നിര്‍ബന്ധിക്കുന്നു. ഷൈനും അത്തരം താത്വിക പ്രതിസന്ധി അഭിമുഖീകരിക്കുന്നുണ്ടായിരിക്കാം.
ഈ വിഷയം സമൂഹത്തിന്റെ അതിപ്രധാന ഘടകമായതിനാല്‍ ഒരു പോസ്റ്റ് തന്നെ എഴുതേണ്ടിയിരിക്കുന്നു.
സമയക്കുറവിനാല്‍ അതേക്കുറിച്ച് കുറച്ച് കാര്യങ്ങള്‍ കുത്തിക്കുറിച്ചു വക്കുന്നു.

vasanthalathika said...

ഭാഷയ്ക്ക് കല്‍പ്പിച്ചിരിക്കുന്ന 'മാന്യത'പലപ്പോഴും കാപട്യത്തിന്റെ
മുഖമുദ്രയാണ്.ഒന്ന് വിചാരിച്ചു മറ്റൊന്ന് പറയുന്നതില്‍ തുടങ്ങുന്നു ഈ മാന്യമായ കാപട്യം.പുറം വേദിയില്‍ സംസ്ക്കാരശുദ്ധമായ ഭാഷ ഉപയോഗിക്കുന്നവര്‍ ചിലപ്പോള്‍ അകത്തു അതിഭീകരമാലി ന്യം പേറുന്നവരാവാം
.സത്യം പറയാന്‍ ഉദ്ബോധിപ്പിക്കുന്നവര്‍ ഏറ്റവും നുണ
പറയുന്നവരുമാകാം.ഇതൊക്കെ
അമാന്യതയാണ്.മാന്യതയുള്ള ഭാഷ ഉപയോഗിക്കുന്നതിനെക്കുരിച ശ്രീ.ഈ.വീ.
കൃഷ്ണപിള്ള എഴുതിയ ഒരു കഥയുണ്ട്.ഒരു പിച്ചക്കാരി കുഞ്ഞിനേയും കൊണ്ടു ഒരു വീട്ടില്‍ വരുന്നു.ഗൃഹനാഥന്റെ ചോദ്യം-
''അല്ലയോ സഹോദരീ..താങ്കള്‍ ഈ കുഞ്ഞിനേയും കൊണ്ടുവന്നതെന്തിനാണ്?''
''വല്ലതും തരണേ..രണ്ടു ദിവസമായി വല്ലതും കഴിച്ചിട്ടു..
''മാന്യനായ ഗൃഹനാഥന്‍ പുഞ്ചിരിയോടെ..''മോശം..താങ്കള്‍ ഇങ്ങനെ നടക്കരുത്..ഇവിടെനിന്നു അല്‍പ്പം വിട്ടുനില്‍ക്കൂ..''-----
...''തമ്പ്രാനെ..''
ഭവതി പൊയ്ക്കോളൂ..ഭിക്ഷാടനം
അതിനീചമായ പ്രവൃത്തിയാനെന്നു അറിയുക..'പുഞ്ചിരി മായാതെ തന്നെ..
[ഇവിടെ കവിവാക്യം ..പുഞ്ചിരി.
.ഹാ.കുലീനമാം കള്ളം..]
'പിച്ച ക്കാരി വേഗം സ്ഥലം വിട്ടു.
മറ്റൊരു വീട്ടില്‍ പുറമേയ്ക്ക് അമാന്യനായ ഒരാള്‍ നില്‍ക്കുന്നു.ഈ പിച്ചക്കാരി അങ്ങോട്ട്‌ കേറി.അയാള്‍
..എന്താടീ..കൊച്ചിനേം വലിച്ചോണ്ടു.
.നീ എങ്ങോട്ടാ?
''വല്ലോം തരണേ..''
ശല്യമായല്ലോ...ഒരു വഴിക്കെരങ്ങാമെന്നു വെച്ചാല്‍ ഇവറ്റയെ കണ്ടു വേണം..ങ്ങ്..എടീ..[അയാള്‍ അകത്തേക്ക് നോക്കിക്കൊണ്ടു.]..കൊച്ചിനു വല്ലോം കഴിക്കാന്‍ കൊടുക്ക്..
കൊച്ചിനും തള്ളയ്ക്കും കഴിക്കാനും
ഉടുക്കാനും കൊടുത്താണ് അയാള്‍ വിട്ടത്.
ഇതെഴുതി ഈ.വീ. ഉപസംഹരിക്കുന്നു..ലോകം
മാന്യനെന്നു പിന്നെയും വിളിക്കുക ആദ്യത്തെ അയാളെ യായിരിക്കും
.ഞാന്‍ അവസാനിപ്പിക്കട്ടെ..ചിത്രകാരാ..
ഇത്തരം മാന്യമായ ഭാഷ ഉള്ളില്‍ പുഴുവുള്ള മനോഹരഫലം മാത്രമാണ്.
സമൂഹത്തിനു കാഴ്ചക്ക് മാത്രമാണിത് കൊള്ളുക.
എന്നാല്‍ ഭാഷയുടെ ശുദ്ധിയ്ക്കും
വ്യവഹാരനിലവാരത്തിനും
പ്രാധാന്യമില്ലേ?കേവല സംബോധനകള്‍,ശൈലികള്‍..ഇങ്ങനെ
പലതിനും നിലവാരത്തകര്ച്ച ഉള്ളതായി തോന്നുന്നു
.ഭാഷ വ്യക്തിത്വത്തെ പ്രതിഫലിപ്പിക്കുന്നു എന്നത് ഇപ്പോഴും ശരിയാണ്.ആ വ്യക്തിത്വം ഉള്ളിലും
പുറത്തും ഒന്നായി ഇരിക്കുന്ന സ്വച്ചസ്ഫടികമാണ്..തന്റെ ഭാഷ മധുരവും സൌമ്യവും ദീപ്തവുമാക്കുക എന്നത്
ആകര്‍ഷകം മാത്രമല്ല ആദരണീയം കൂടിയായ വ്യക്തിത്വത്തിന്റെ സവിശേഷതയാണ്.
അകത്തും പുറത്തും ഒന്നുപോലെ ചൈതന്യം പ്രസരിപ്പിക്കുന്ന ദീപം പോലെ..
അതിനാല്‍ ഉപയോഗിക്കുന്ന ഭാഷയുടെ നിലവാരത്തകര്ച്ച പ്രശ്നം തന്നെയാണ്.
പിന്നെ..സാധാരനജനങ്ങലുറെ ഭാഷ മാന്യമാകനമെന്നില്ല എന്ന പരാമര്‍ശത്തില്‍ തെറ്റുണ്ട് എന്ന് തോന്നി.
അതിനര്‍ത്ഥം അവര്‍ക്ക് ഭാശാശുധിയില്ല.. ഒരിക്കലും വശത്താക്കാന്‍ സാധിക്കയുമില്ല എന്നാണോ?

vasanthalathika said...

വേണ്ട സമയത്ത് അക്ഷരവും വരില്ല.അവസാനവരിയില്''‍ ഭാഷാശുദ്ധി''എന്ന് തിരുത്തിവായിക്കാന്‍ അപേക്ഷ

ഒഴാക്കന്‍. said...

:)

കാട്ടിപ്പരുത്തി said...

നല്ല പോസ്റ്റ്

shajiqatar said...

ചിത്രകാര നല്ല എഴുത്ത്.ഇതും നല്ല മലയാളം ആണേ:)-

കാക്കര - kaakkara said...

ഭാഷയെ സവർണ്ണണെന്നൊ അവർണ്ണണെന്നൊ എങ്ങനെവേണമെങ്ങിലും തരം തിരിച്ചോള്ളു, എനിക്ക്‌ മനസ്സിലാകുന്ന ഭാഷയിൽ എഴുതിയാൽ അത്‌ എന്റെ ഭാഷ.

മനസ്സിൽ തോന്നിയത്‌ തെറിയിൽ ചാലിച്ചെഴുതിയാൽ അതിനെ തെറിഭാഷയെന്ന ഗണത്തിൽപ്പെടുത്തുക, അല്ലാതെ അവർണ്ണ ഭാഷയെന്ന്‌ വിളിച്ച്‌ അവർണ്ണരെ തെറ്റിദ്ധരിപ്പിക്കല്ലെ.

»¦ മുഖ്‌താര്‍ ¦ udarampoyil ¦« said...

സവര്‍ണ ഭാഷ,
അവര്‍ണ ഭാഷ..
ഹാ കോള്ളാലോ..
ചിത്രകാരന്റെ വീക്ഷണത്തില്‍ ശരിയില്ലാതില്ല.
പക്ഷേ,
തെറിയും അവര്‍ണഭാഷയും തമ്മിലുള്ള ദൂരത്തിന്റെ കാര്യത്തില്‍
ചിത്രകാരനുമായി വിയോജിക്കേണ്ടി വരും..

നല്ല ഭാഷ എന്നതു കൊണ്ട് ഞാനര്‍ഥമാക്കുന്നത് മാന്യമായ ഭാഷ എന്നാണ്..
എന്നുവെച്ചാല്‍,
കെട്ട്യോളോടും കുട്ട്യാളോടും
അച്ചനമ്മമാരോടും പറയാവുന്ന ഭാഷ.!
അതു അവര്‍ണഭാഷയെന്ന വിഭാഗത്തില്‍ വരുമെന്നു തന്നെ എനിക്കു തോന്നുന്നു..
വൈക്കം മുഹമ്മദ് ബഷീര്‍ എഴുതിയത് ആ അവര്‍‌ണഭാഷയിലായിരുന്നു എന്നാണ് എന്റെ നിരീക്ഷണം.

Blog Academy said...

2010 മെയ് 30 ന് കൊച്ചിയിലെ കലൂര്‍ മണപ്പാട്ടിപ്പറമ്പില്‍ പീടിയേക്കല്‍ റോഡിലുള്ള MECA ഹാളില്‍ ഉച്ചയ്ക്ക് 1 മണിക്ക് ശില്‍പ്പശാല നടത്താന്‍ ഏര്‍പ്പാടുകള്‍ നടന്നുവരുന്നു.
കൂടുതല്‍ വിവരങ്ങള്‍ക്ക് സംഘാടക പ്രവര്‍ത്തകരായ സുദേഷ്,പ്രവീണ്‍,സജീഷ് എന്നിവരുമായി ബന്ധപ്പെടാം.

ബ്ലോഗ് ശിൽ‌പ്പശാലയിൽ പങ്കെടുക്കാൻ താൽ‌പ്പര്യം ഉള്ള പൊതുജനങ്ങൾ 9961999455, 09539137170, 9847547526 എന്നീ ഫോൺനമ്പറുകളിൽ വിളിച്ചു പേരു രജിസ്റ്റർ ചെയ്യുക.
കൂടുതല്‍ വിവരങ്ങള്‍ എറണാകുളം ബ്ലോഗ് അക്കാദമി ബ്ലോഗില്‍:എറണാകുളം ബ്ലോഗ് ശില്‍പ്പശാല

kuttan said...

ശ്രീ നാരായണ ഗുരുവും , കുമാരനാശാനും "പിന്നക്ക" കരോട് ചെയ്തത് "വലിയ ക്രൂരത തനെ അല്ലേ" ?
അതോ അവരും സവര്‍ണ്ണര്‍ തന്നെ ?

kuttan said...

ചിത്രകാരന്‍ ജനിച്ചത്‌ ചിത്രകാരന്റെ അച്ഛന്റെയും , അമ്മയുടെയും ഇത്രാമത്തെ സന്താനം ആയിട്ട് ഇന്ന വര്ഷം -- (സവര്‍ണ്ണ ഭാഷ )
ഇതിനു അവര്‍ണ്ണ ഭാഷ ഉണ്ടോ ?
ബഹു ഭാര്യത്വും , ഭാരതിര്ത്വും, കേരളത്തില്‍ ബ്രാഹ്മണറര്‍ ഒഴികെ എല്ലാ സമുദായങ്ങളിലും നിലവില്‍ ഉണ്ടായിരുന്ന ഒരു സംഗതി ആണ് ..
ഇതിനു എതിരെ ഗുരു നടത്തിയ പ്രവര്‍ത്തനങ്ങളും ഈ ലിങ്ക് ക്ലിക്ക് ചെയ്യ് .... http://www.snms.in/index.php?id=125

sandu said...
This comment has been removed by the author.
sandu said...
This comment has been removed by the author.
sandu said...
This comment has been removed by the author.
sandu said...

ഇവിടെ പറയാം എന്നു തോന്നുന്നു അവിടെ ചേര്‍ക്കാന്‍ കഴിയുന്നില്ല .ക്ഷമിക്കുക

" പെണ്ണിന്റെ ഹൃസ്വദൃഷ്ടിയില്‍ പതിഞ്ഞ ഭയം ഒരു വിഷത്തുള്ളിയായി രൂപപ്പെട്ടതാണ് ഈ കവിത."

കവിതയ്ക്ക് അതിന്റെതായ അരിഷ്ടതകള്‍ ഉണ്ട് എന്നാലും അത് വിഷത്തുള്ളി ആയതെങ്ങിനെയെന്നു മനസിലായില്ല .നിങ്ങള്ക് നല്ല മസിലുള്ള ശരീരം ഉണ്ടെന്നു പറഞ്ഞു അതില്‍ ഇരുമ്പ് വടി കൊണ്ട് എപ്പോഴും അടിച്ചു കൊണ്ടിരുന്നാല്‍ എത്ര ആരോചകമാണോ,വേദനിപ്പികുന്നതാണോ അത് തന്നെ....... പെണ്ണിന് ഭയം അല്ലാ അറപ്പാണ് ഉണ്ടാകുക എന്നു മാത്രം .ആ അറപ്പ് മാറ്റേണ്ടത് ആണോരുതന്‍ മാത്രമല്ല എന്നു മാത്രം .
"സ്ത്രീക്കുമാത്രമായി ഒരു നീതി വായുപോലെ സൌജന്യമായി എവിടേയും ലഭ്യമല്ല. "

യോജിക്കുന്നു.പൊതി കെട്ടിയ നീതി ആരും യാചിക്കുന്നില്ലലോ!അത് നിഷേധിക്കപെടുന്നു എന്ന സത്യം വിളിച്ചു പറയുന്നു .ആ പറയല്‍ പോലും എത്ര അസഹിഷുനത യോടെ കാണുന്ന തെന്തു ? അത് സ്വയം കണ്ടെതെണ്ടാതന്നു .ഇതൊരു അലയിളക്കം. ചെറിയ കാഴ്ചകള്‍ മാത്രം അനുവദിക്കപെട്ട വളര്‍ത്തു സസ്യങ്ങള്‍ ആല്‍മരം പോലെ പൊടുന്നനെ വളരുമോ ?
" എന്നാല്‍ സൂപ്പര്‍ മാര്‍ക്കെറ്റുകളില്‍ നിന്നും എത്ര നീതി വേണമെങ്കിലും ലഭ്യമാണു താനും!"

പ്രതികരിക്കുന്ന സ്ത്രീകള്കൊക്കെ വേണ്ടതിതാണെന്ന് പറഞ്ഞാല്‍ പിന്നെ അവര്‍ മിണ്ടില്ലല്ലോ .തലയില്‍ വെളിച്ചമുള്ള നിങ്ങളും ?!മര്‍മ്മത്ത് കൊട്ടാന്‍ അറിഞ്ഞു ചിരിക്കുന്നു .(ഒരു പാട് വായിച്ചു നിങ്ങള്‍ ഈ അര്‍ഥം തന്നെ യാന്നോ ഉദ്ദേശിച്ചത് ?
"കെട്ടിയവന്മാരോ,മാതാപിതാക്കളോ കുറച്ചു നീതി സംഘടിപ്പിച്ച് പാലില്‍ കലക്കി കൊടുത്താല്‍ ഇവര്‍ക്ക് കുറച്ച് സമാധാനം കിട്ടും"
മാതാപിതാക്കളോ കുറച്ചു നീതി സംഘടിപ്പിച്ച്-ഈ വാക്കവിടെ കണ്ടത് കൊണ്ട് വല്ലാത്ത സംശയം !

"ഇതൊരു സ്ത്രീ പ്രശ്നമായല്ല പരിഹരിക്കേണ്ടത്. സമൂഹത്തിന്റെ കപട സംസ്ക്കാരത്തിന്റെ പ്രതിഫലനമാണ്."

ഇവിടെ പറഞ്ഞതില്‍ യോജിക്കുന്നു .സത്യം കേള്‍ക്കാന്‍ ,പറയാന്‍ ധൈര്യമുള്ള പുരുഷന്മാരെ പരിശീലിപ്പിക്കേണ്ടത്‌ സ്തീകളാണ് .അവരുടെ പതിനഞ്ചു വര്‍ഷങ്ങള്‍ എങ്കിലും അമ്മമാരേ നിങ്ങളിലൂടെ കടന്നു പോകുന്നു .എന്തിനു വിവാഹം കഴിക്കുന്നു എന്നു പോലും അറിയാതെ വെറുതെ വിവാഹം കഴിക്കുന്നു മലയാളികള്‍ എന്നു തോന്നും .സ്വര്‍ണത്തിന്റെ തൂക്കവും പുരുഷന്റെ ജോലിയും തീര്‍ന്നു പിന്നെ ചെരുപിനനുസരിച്ചു കാലുമുറിക്കല്‍ -മരണം വരെ. തരളം ആയതു കൊണ്ട് പെണ്ണെ നിന്നെ മുറിക്കാനാണ് എളുപ്പം .

sandu said...

" കരുത്തുറ്റ കംബോളത്തെ അവള്‍ കൂട്ടിനു വിളിക്കും.ആ യാന്തികത അവളുടെ സ്വാതന്ത്ര്യമാണെന്ന് ഉറക്കെ പ്രഖ്യാപിച്ച്"

ഇങ്ങിനെ മാത്രം ചിന്തിക്കനകുന്ന ആണ്നുങ്ങള്‍ നിറഞ്ഞ കവലകള്‍ നിറഞ്ഞ കേരളം ഉണ്ടാക്കിയത് ശാലീന പട്ടം കിട്ടാന്‍ കാലുമുറിച്ച പെണ്ണെ നിങ്ങള്‍ തന്നെ .രാജകുമാരികളെ പിന്നിലാക്കി തന്റെ മുന്‍പില്‍ ഓടിയെത്തിയ രാജകുമാരനെ നോക്കി ഞാനോ എന്നു അത്ഭുതം കൂറിയ സിന്ദ്രല്ല .തന്റെ അന്തപുരത്തിലെ സ്നേഹം നിറഞ്ഞ പുരുഷനെ കണ്ടു പിന്നെയും അത്ഭുതം കൂറുന്നു --നീ ഇങ്ങിനെ എങ്കില്‍ സ്നേഹമില്ലതവന്റെ വീടിലെ പെണ്ണെ നിന്റെ ഉള്ളില്‍ വിഴുങ്ങിയ വാക്കിന്റെ തമോ ഗര്‍ത്തങ്ങള്‍ എത്രയാകും .നീ വിരലിനു പകരം തല തന്നെ മുറിച്ചു നല്‍കി കാണുമല്ലോ ശാലീന പ്രസ്ഥാനത്തിന് വേണ്ടി .പുരുഷനെ ശത്രു വായീ കണ്ണുന്നു എന്നു കരുതല്ലേ ,ചില മായ കാഴചകളില്‍ കണ്ണ് നഷ്ടപെടാന്‍ അഗ്രെഹിക്കുന്നവന്‍ എന്നേ തോന്നുന്നുള്ളൂ .മസില് പിടികെടാ മീശ പിരിക്കെടാ എന്നൊക്കെ പറഞ്ഞു പഠിപ്പിച്ച അവനെ ഹ്രെധയ്മില്ലത്തവന്‍ എന്നു വിളിക്കുന്നതും നമ്മള്‍ തന്നെ അമ്മയില്‍ നിന്ന് ഭാര്യയില്‍ എത്തുന്നു എന്നു മാത്രം .പൊക്കിള്‍ കൊടി ബന്ധത്തിന്റെ രസതന്ത്രം ഇല്ലാതെ തന്റെ മക്കളെ സ്നേഹികുകയും അവരോടൊപ്പം കളിക്കുകയും ചെയ്യുന്ന പുരുഷനെ ഞാന്‍ അറിയുന്നു ......ബഹുമാനിക്കുന്നു .സ്നേഹത്തോടെ തിരുത്തിയാല്‍ അലിഞ്ഞില്ലാതാവുന്ന പാരുഷം മാത്രം .ചെറിയ കാര്യങ്ങള്‍ ഒപ്പിച്ചു ഒടുവില്‍ അമ്മായിയമ്മയെ ദേഷ്യം പിടിപ്പിച്ചു ഉച്ചത്തില്‍ ശകാരം വാങ്ങി ഞാന്‍ ഒപ്പിച്ചെടുത്തു ഒരു ടിക്കെറ്റ് എന്നു കൂട്ടുകാരി സന്തോഷ തിമര്‍പ്പില്‍ ................അവള്‍ വന്നത് ഒരു ലോഡു നിറയെ തുളസിക്കതിരും സെറ്റ് സാരിയും കൊണ്ട് .കണ്ണ്‍ കോണിലെ കണ്ണുനീരും ഒന്നും അറിയാത്ത പോലത്തെ കളിയും മതി അവന്‍ ഫ്ലാറ്റ് എന്നു പൊട്ടി ചിരിച്ചു കൊണ്ടവള്‍ .പൂമുഖ വാതിക്കല്‍ സ്നേഹം വിടര്‍ത്തുന്ന .....................എന്നുറക്കെ പാടി അവന്‍ നടക്കുന്നു ........അവള്‍ ഒളിക്കും പോലൊരു ലോകം അവനും ഒളിക്കുന്നുണ്ടാകുമോ ?????കുടുംബത്തെ ഇപ്പോഴും പരിപാലിക്കുന്നു എന്നു മറ്റൊരുവള്‍ വഴക്കടിക്കുന്നു .നിന്റെ മക്കളെ നീ തമ്മില്‍ അടിക്കാനാണോ വളര്‍ത്തുക .......അവള്‍ എന്നോട് മിണ്ടാറില്ല ഇപ്പോള്‍ .ചെറിയ ലോകങ്ങള്‍ അവള്‍ക് നല്‍കിയതിന്റെ മറുവശം .അവന്‍ ആണല്ലേ അവനെന്തും ആകാം എന്ന നിലയില്‍ വളര്തിയതിന്റെ ദോഷഫലങ്ങള്‍ .പെണ്ണിനെ വീട്ടില്‍ ഇരുത്തി നീ വേട്ടയാടി വരൂ മുനയുള്ള മുള്ള് നീ എന്നു തിലകം തൊട്ടു വിട്ടപ്പോള്‍ അപ്പുറത്തെ വീടിലെ പുരുഷന്‍ ഇപ്പുറത്ത് എത്തും എന്നത് കാണാതെ പോയ നിസംഗത യാന്നു കേരള സദാചാരത്തിന്റെ മറ നീക്കി തൊട്ടും ശ്ലീലമില്ലയ്മയും പറഞ്ഞു തുള്ളുന്ന കോമരങ്ങള്‍ ആക്കുന്നത് .

തിന്നനൊരു വായുണ്ടല്ലോ എന്നു പറഞ്ഞു അതില്‍ അമേദ്യം നിറയ്ക്കാന്‍ ശ്രേമിക്കുന്നവരെ എതിര്കുന്നത് എങ്ങിനെയന്നു ചിത്രകാരാ കൊതിയോടെ കാത്തിരിക്കുന്ന തീറ്റ പണ്ടാരമാക്കുന്നത് !!!!!!!!!!!

Syam said...

How to remove a page or site from Google's search results ;-)

vazhakkali said...

പൊതു സ്ഥലത്ത് മുണ്ട് പൊക്കി കാണിച്ചാല്‍ അതു ഒന്നുകില്‍ അഭാസതാരം അല്ലങ്കില്‍ മനോരൊഗമണ്‌ , എല്ലാ നിയമംഗങളും ഒരുതതരത്തിലാല്ലങ്കില്‍ മറ്റൊരുത്തരത്തില്‍ സ്വതന്ത്രിയത്തിനു മേലെ ഉള്ള കടന്നു കയത്തമാന്ണു, മനസ്സിലാകുന്നില്ല ഈ പുരൊഗമനമ് ഒരു ജാതി മറ്റൊന്നിനു മുകളില്‍ ആണ് എന്നു തോന്നുന്നെങ്കില്‍ അതിനു താഴെ ഉള്ളവര്‍ ധര്‍മ്മികമായും എല്ലാത്രത്തിലും അവരേക്കാള്‍തഴെ ആയിരിക്കും, ഇതു അറിയാന്‍ ഇരുപത്തഞ്ചു മുപ്പതു വര്‍ഷം പുറകോട്ട് പോയാല്‍ മതി CBSE syllabus അല്ലാത്തതിനാല്‍ മനസ്സിലായ കാര്യങ്ങളാണു
കാശ് കയ്യിലയാല്‍ പിന്നെ പാരമ്പര്യം വേണം എല്ലാര്‍ക്കും തോന്നുന്ന കാര്യം
മരുമക്കത്തായം നായരില്‍ മാത്രമുള്ള കാര്യം അല്ല ഇപ്പഴും കേരളത്തിന്റെ വടക്കുള്ള മുസ്ലിംസിന്റെ ഇടയില്‍ കാണാം
നമ്പൂതിരി ഉണ്ടാക്കിയ ഒരു വ്യവസ്ഥ അല്ല അതു
പിന്നെ ചിത്രകാരന്റെ പോസ്റ്റില്‍ എരിവ് ഇട്ട കാമെംട് വായിക്കൂോ

sandu said...

മറന്നു പോയീ അന്നെഴുതാന്‍ നന്ദനയുടെ വേഴ്ച യന്ത്രം എന്ന ബ്ലോഗില്‍ താങ്കളുടെ കമന്റ്‌ വായിച്ചപോള്‍ തോന്നിയതാണ് മുകളില്‍ എഴുതിയത്

Translate

Followers