ഒരു ബ്ലോഗറുടെ ഭയരോഗം !!!

ബ്ലൊഗില്‍ ആരെങ്കിലും കണ്ടാല്‍ ,പരിചയപ്പെട്ടാല്‍, ഭൂമിയില്‍ അവരാരെങ്കിലും കൂടിക്കാഴ്ച്ച നടത്തിയാല്‍... ഭൂലോകത്തിന്റെ മാനം ഇടിഞ്ഞു വീഴുമെന്ന് വിശ്വസിക്കുന്ന ഒരു രോഗം !!! ബെര്‍ളി എന്നൊരു ബ്ലോഗര്‍ക്കാണ് ഈ രോഗബാധയുണ്ടായിരിക്കുന്നത്.ഒരു വര്‍ഷത്തിലധികമായി ഈ രോഗം കാരണം കൂട്ടായ്മ,ബ്ലോഗ് സംഗമം,ബ്ലോഗ് ശില്‍പ്പശാല എന്നീ വാക്കുകളൊന്നും ഈ രോഗിക്ക് കേട്ടുകൂടാതായിട്ട്. ഒരുതരം സംശയരോഗം ! ഈ രോഗം നിമിത്തം പകല്‍ തെരുവിലെ ആള്‍ക്കൂട്ടത്തില്പോലും ഇറങ്ങി നടക്കാന്‍ ഈ രോഗി ഭയപ്പെട്ടു തുടങ്ങിയിരിക്കുന്നു എന്ന് ആ ബ്ലോഗറുടെ പോസ്റ്റുകളില്‍ എഴുതിക്കാണുന്നു. ആളുകള്‍ കാറ്റുകൊള്ളാനെത്തുന്ന കടപ്പുറം സുരക്ഷിതമല്ലെന്നും, അവിടെ കൂട്ടം കൂടി നില്‍ക്കുന്നത് തീവ്രവാദികളാണെന്നും, രാജ്യദ്രോഹികളാണെന്നും സംശയിക്കപ്പെടാന്‍ ഇടവരുത്തുമെന്നും ഈ രോഗിക്ക് സംശയമില്ലത്രേ !!! ബീച്ചുകളിലെ ആള്‍ക്കൂട്ടം ഏതെങ്കിലും രജിസ്റ്റെര്‍ ചെയ്ത സംഘടന നിയമവിധേയമായി സംഘടിപ്പിക്കപ്പെടുന്നതല്ലാത്തതിനാലും,അവിടെ മയക്കുമരുന്ന് , പെണ്‍‌വാണിഭം,തീവ്രവാദ-രാജ്യദ്രോഹ പ്രവര്‍ത്തകര്‍ എന്നിങ്ങനെയുള്ള നിയമവിരുദ്ധര്‍ എത്താനിടയുള്ളതിനാല്‍ ആരും ഒറ്റക്കോ കൂട്ടായോ ബീച്ചുകള്‍ സന്ദര്‍ശിക്കരുതെന്നാണ് ഈ ഭയരോഗിയുടെ മുന്നറിയിപ്പ്! സിനിമാശാലകള്‍,കലാപരിപാടികള്‍ നടക്കുന്നിടങ്ങള്‍,വിവാഹ മണ്ഡപങ്ങള്‍, ശവസംസ്ക്കാരചടങ്ങുകള്‍ നടക്കുന്നിടങ്ങള്‍, എന്നിങ്ങനെയുള്ള സ്ഥലങ്ങള്‍ സന്ദര്‍ശിച്ചുകൂടെന്നും ഈ രോഗി ബ്ലോഗര്‍മാരോട് തന്റെ പോസ്റ്റുകളിലൂടെ ജല്‍പ്പനം നടത്തിക്കൊണ്ടിരിക്കുകയാണ്. എല്ലായിടത്തും ബോംബ് ഭീഷണി ഉണ്ടാകാനിടയുള്ളതിനാല്‍ ജനങ്ങള്‍ സ്വന്തം വീടിന് പുറത്തിറങ്ങുന്നത് പോലും അപായം ക്ഷണിച്ചുവരുത്തുന്ന പ്രവര്‍ത്തിയാകുമെന്ന് ഈ രോഗി അടുത്തകാലത്ത് കൂടുതല്‍ ഭയഭീതിയോടെ വിളിച്ചു പറഞ്ഞുതുടങ്ങിയിരിക്കുന്നു. ഒരു പത്രപ്രവത്തകനും നിശഞ്ചരനുമായ ഈ രോഗിക്ക് രാത്രി ഉറങ്ങാത്തതെ ജോലിചെയ്യേണ്ടിവരുന്നതിനാലുള്ള ശാരീരിക പ്രശ്നം മാനസികഭ്രമമുണ്ടാക്കുന്നതാണെന്ന് പത്രപ്രവര്‍ത്തകര്‍ക്കിടയില്‍ ശ്രുതിയുണ്ടെങ്കിലും,
രോഗം ബ്ലോഗിലാണ് തീവ്രമായി പ്രകടമാകുന്നത് എന്നതിനാല്‍ മറ്റു സാദാപത്രപ്രവര്‍ത്തകര്‍ ഈ രോഗിയെ ബ്ലോഗ് അഡിക്റ്റായി എഴുതിത്തള്ളിയിരിക്കയാണ്.

ഇതൊരു രോഗമാണെന്നും, അതല്ല,സംശയാലുക്കളായ ബ്ലോഗിലെ എഴുത്തുകാരെ ഭീതിതരാക്കുന്നതില്‍ ആനന്ദം കണ്ടെത്തുന്ന ഒരു മനോ വൈകല്യമാണെന്നും കരുതുന്നവരുണ്ട്‌. ബെര്‍ളിയുടെ ബ്ലോഗ് ഭയരോഗം ഭേദമാക്കുന്നതിനായി മനശ്ശാസ്ത്ര വിദഗ്ദരുടേയോ, മനോരോഗ ചികിത്സകരുടേയോ സഹായം തേടുന്നതില്‍ തെറ്റില്ല. നല്ല കഴിവുകളുണ്ടായിരുന്ന ഒരു സഹബ്ലോഗറായ ബെര്‍ളിയെ
രോഗം മൂര്‍ദ്ദന്യത്തിലെത്തി ഒരു ആജീവനാന്ത ഭയരോഗിയാക്കാന്‍ ഇടവരുത്താതെ ബൂലോകത്തെ ബ്ലോഗര്‍മാര്‍ ഒന്നിക്കേണ്ടിയിരിക്കുന്നു.

ബെര്‍ളിയുടെ ഇന്നത്തെ മനോനിലക്കനുസരിച്ച് ചികിത്സിക്കാന്‍ ഒറ്റപ്പെട്ട ബ്ലൊഗര്‍മാര്‍ ദയവായി റിസ്ക്കെടുക്കരുതെന്ന് അഭ്യര്‍ത്ഥിക്കുന്നു.
ഒരു റെജിസ്റ്റേഡ് സംഘടനയുടെ ഭാരവാഹികളായി മാത്രമേ ഈ ബ്ലോഗറെ കാണാന്‍ ശ്രമിക്കാവു. ഭരണഘടന,ഭാരവാഹികളുടെ ലിസ്റ്റ്, ലെറ്റര്‍ പാഡ് എന്നിവ കയ്യില്‍ കരുതേണ്ടതാണ്. ചിത്രകാരന്‍,ബ്ലോഗ് ശില്‍പ്പശാല, ബ്ലോഗ് അക്കാദമി,ബ്ലോഗ് മീറ്റ് തുടങ്ങിയ വാക്കുകള്‍ സംസാരിക്കാതിരിക്കാന്‍ പ്രത്യേകം ശ്രദ്ദിക്കേണ്ടതാണ്. അഥവ പറഞ്ഞാല്‍ തന്നെ ആ വാക്കുകള്‍ ചിറികോട്ടി ഉച്ചരിച്ച് ബെര്‍ളിയെ ശാന്തനാക്കാന്‍ ശ്രമിക്കെണ്ടതാണ്.

നല്ലൊരു മനശ്ശാസ്ത്രജ്ഞനെ കാണിച്ച് ഈ അസുഖത്തില്‍ നിന്നും ബെര്‍ളിയെ രക്ഷിക്കുന്നതിനായി ഒരു രജിസ്റ്റേഡ് സംഘടന തുടങ്ങാന്‍ മുന്നോട്ടുവരുന്ന ബ്ലോഗ് കൂട്ടയ്മയെ ക്ഷണിച്ചുകൊണ്ട് ....
ബെര്‍ളിയൂടെ രോഗം ഭേദമാകാനായി പ്രാര്‍ത്ഥിക്കുക...
ബെര്‍ളിയെ ചികിത്സിക്കാന്‍ മുന്നോട്ടു വരുന്നവര്‍ ദയവായി ഇവിടെ ക്ലിക്കി രോഗവിവരം നേരില്‍ മനസ്സിലാക്കുക.