Monday, June 21, 2010

മലയാള സിനിമാ ഇതിഹാസമായി പാലേരി മാണിക്യം

സിനിമ മാത്രമല്ല, സിനിമയുടെ വാര്‍ത്തയോ പരസ്യമോ വാള്‍ പോസ്റ്ററുകളോ ഇപ്പോള്‍ ചിത്രകാരന്‍ ശ്രദ്ധിക്കാറില്ല.അത്രക്ക് അരസികനാണ് ! നൂറ്റാണ്ടിന്റെ ഏറ്റവും ശക്തമായ കലാരൂപമായ സിനിമ, മലയാളത്തില്‍ ഇപ്പോള്‍ എരിവും പുളിയും വളിപ്പും മനുഷ്യ മാംസത്തിന്റെ ഗന്ധവും മാത്രമുള്ള വെറും മാസാലമാത്രമാണ് എന്ന ഉറച്ച ബോധ്യം മനസ്സില്‍ പിടിമുറുക്കിയതിനാല്‍ സിനിമകള്‍ക്ക് ചിത്രകാരന്റെ ശ്രദ്ധയാകര്‍ഷിക്കാന്‍ കഴിയുന്നില്ല എന്നതാണ് വാസ്തവം.
എന്നാല്‍, അങ്ങനെ നിര്‍ഗുണ പരബ്രഹ്മാവസ്ഥയിലിരിക്കുന്ന ചിത്രകാരനെ കഴിഞ്ഞയാഴ്ച്ച വിളിച്ചുണര്‍ത്തിക്കൊണ്ട് അനിയന്‍ മൂപ്പര് ഒരു സിനിമ ഡി.വി.ഡി. നല്‍കി. പാലേരിമാണിക്യം... ഒരു പാതിര കൊലപാതകത്തിന്റെ കഥ !! കൂടാതെ, പാലേരി മാണിക്യത്തിന്റെ വ്യത്യസ്തതയെക്കുറിച്ചുള്ള അനിയന്റെ നിരീക്ഷണങ്ങള്‍ കൂടി അവതരിപ്പിച്ചപ്പോള്‍ ഒന്നു കാണാമെന്നായി. (ഇലക്ട്രോണിക്സ്,ഇലക്ട്രിക്കല്‍,സിനിമ,സംഗീതം,ബൈക്ക്,കാര്‍ തുടങ്ങിയ വിഷയങ്ങളില്‍ ചിത്രകാരന്റെ ആധികാരിക കണ്‍സല്‍ട്ടന്റ് അനിയനാണ്.)

പാലേരി മാണിക്യം ഒരു പാതിരാകൊലപാതകത്തിന്റെ കഥ എന്നൊക്കെ തലക്കെട്ട് കണ്ടപ്പോള്‍ എരിവും പുളിയും അക്രമവുമുള്ള ഒരു മസാലയാകുമെന്ന മുന്‍‌വിധിയാണുണ്ടായിരുന്നത്. അനിയന്റെ ആത്മാര്‍ത്ഥമായ അഭിപ്രായത്തെ മാനിച്ച് സിനിമകാണാനിരുന്ന ചിത്രകാരന്‍ മലയാള സിനിമയുടെ ഗതിയെ മാറ്റിമറിക്കുന്ന ഒരു അഭ്രകാവ്യം തന്നെയാണ് കണ്ടത്. പൊതുവെ സിനിമയുടെ ആദ്യഭാഗങ്ങള്‍ കണ്ടുതുടങ്ങുംബോഴെ തുടര്‍ന്നുള്ള കഥയുടെ പോക്ക് എങ്ങനെയായിരിക്കുമെന്ന് ആവര്‍ത്തന വിരസതയോടെ നമ്മേ ഓര്‍മ്മിപ്പിക്കാറുള്ള സിനിമകളില്‍ നിന്നും വ്യത്യസ്തമായി മലയാളത്തില്‍ തന്തക്കുപിറന്ന അപൂര്‍വ്വം സിനിമകളിലൊന്നാണ് പാലേരിമാണിക്യം എന്ന് തീര്‍ച്ചയായും പറയാം.

കേരളം ഇന്നും അധികരിച്ച നിലയില്‍ അനുഭവിക്കുന്ന സാമൂഹ്യ പ്രശ്നങ്ങളുടെ വേരുകള്‍ പ്രകടമായ രീതിയില്‍ പാലേരിമാണിക്യം എന്ന ഈ സിനിമയില്‍ സത്യത്തിന്റെ ശുദ്ധി നഷ്ടപ്പെടാതെ കൈക്കുമ്പിളില്‍ സംവിധായകന്‍,രഞ്ജിത്ത് കോരിയെടുത്തു കാണിക്കുന്നു എന്നത് മലയാള സിനിമയുടെ ഭാഗ്യവും ഗതിമാറ്റവുമായാണ്
ചിത്രകാരനു തോന്നുന്നത്. നമ്മുടെ സമൂഹത്തില്‍ ഇന്നും പ്രകടമായ മഹിമയായി കൊണ്ടാടപ്പെടുന്ന താറവാടിത്വവും മാടമ്പിത്തരവും ഹിംസാത്മകമായ തേറ്റകളും നഖങ്ങളുമായി സ്ത്രൈണതക്കുനേരേയും അതിന്റെ സുരക്ഷാ കവചമായ പൌരുഷത്തിനു നേരേയും രൌദ്രരൂപം കാണിക്കുംബോള്‍ അടിമത്വത്തിന്റെ കൂരിരുള്‍ സമൂഹം ഒന്നാകെ മൌനമായി സ്വീകരിക്കുന്ന ഭയാനകമായ കാഴ്ച്ച പാലേരിമാണിക്യത്തില്‍ സ്ഫുടതയോടെ ചിത്രീകരിച്ചിരിക്കുന്നു.
മനുഷ്യ മനസ്സിന്റെ ശക്തി കേന്ദ്രവും, സമൂഹത്തിന്റെ പുരോഗതിയുടെ പ്രതീക്ഷയുമായ ആത്മാഭിമാനത്തിന്റെ വിളക്ക് അണക്കുന്ന സംസ്ക്കാരശൂന്യമായ മാടംബിവിദ്യ നമുക്ക് ഹൃദയംകൊണ്ട് ഈ ചിത്രത്തില്‍ നിന്നും തൊട്ടറിയാനാകും. എത്ര ശക്തിമാന്മാരുള്ള ഒരു വലിയ സമൂഹമാണെങ്കില്‍ പോലും പണത്തിന്റേയും ഹിംസയുടേയും കാപട്യത്തിന്റേയും സൂക്ഷിപ്പുകാര്‍ക്കുമുന്നില്‍ അനുസരണയോടെ വിധേയത്വത്തോടെ നില്‍ക്കാനല്ലാതെ , ഒഴുക്കിനെതിരെ നീന്താന്‍ കഴിയില്ലെന്ന ഒരു സത്യത്തിന്റെ സാക്ഷ്യമാണ് പാലേരിമാണിക്യം .
ചിത്രകാരന്‍ ഇതില്‍ നിന്നും മനസ്സിലാക്കിയ പാഠം സംഘടിക്കുന്നതിലൂടെ ആര്‍ക്കും വ്യക്തിപരമായി ശക്തരാകാനാകില്ലാ എന്നാണ്. ശക്തരാകുന്നവര്‍ ആരും തന്നെ സംഘടിക്കുന്നവരല്ല. സംഘടിക്കുന്നവരുടെ ഉടമകളായിത്തീരുന്നവരാണ് ശക്തരായിത്തീരുന്നത്. ഇത് മാടമ്പിത്വത്തിന്റെ ഒരു പ്രതിബിംബം സൃഷ്ടിക്കുന്നതു പോലെയുള്ള ഒരു താന്ത്രിക വിദ്യയാണ്. തിന്മക്കെതിരെ സംഘടിക്കുന്ന ജനം പ്രതീക്ഷിക്കുന്നത് തിന്മ നശിപ്പിക്കപ്പെടും എന്നാണെങ്കിലും, തിന്മ നന്മയുള്ള ജനങ്ങളിലേക്കുകൂടി അവരുടെ പ്രതിനിധികളിലൂടെ ഒഴുകി പരക്കുന്ന... തിന്മയുടെ വ്യാപനമാണ് സത്യത്തില്‍ സംഭവിക്കുന്നത്.

ഈ സിനിമ നല്‍കുന്ന പാഠം രണ്ടു തരത്തില്‍ കാഴ്ച്ചക്കാരന് ഉപയോഗപ്പെടുത്താനാകും. ഒന്ന് വിധേയത്വവും അടിമത്വവും എങ്ങിനെ ധന സം‌മ്പാദനത്തിലും അധികാരങ്ങളില്‍ എത്തിച്ചേരാനും ഉപയോഗിക്കാം എന്ന് ഈ ചിത്രം വ്യക്തമായി ചരിത്ര വസ്തുതയായി പറഞ്ഞുതരുന്നുണ്ട്. അതായത്, പ്രാകൃതമായതും അവികസിതമായ നമ്മുടെ സമൂഹത്തില്‍ ഇന്നും ചിലവാകുന്ന നമ്പറുകളുള്ളതുമായ മനേജുമെന്റ് തന്ത്രം !! അതോടൊപ്പം തന്നെ, തിന്മ എങ്ങിനെ അടിമത്വം ഹൃദ്യമായ ഒരു ജീവിതരീതിയായി അണിയിച്ചൊരുക്കി നമ്മുടെ മനസ്സുകളില്‍ നട്ടു വളര്‍ത്തുന്നു എന്ന സത്യം വെളിപ്പെടുത്തുന്ന സിനിമയുമാണിത്. കാരണം, അടിമത്വത്തിന്റെ രാസഘടന പാലേരിമാണിക്യത്തില്‍ സുവ്യക്തമായി നിര്‍വ്വചിക്കപ്പെട്ടിരിക്കുന്നു. അതുകൊണ്ടുതന്നെ കാഴ്ച്ചക്കാരന്റെ ആത്മാഭിമാനം ഒരു തിരിച്ചറിവിലേക്ക് വളരാന്‍ തക്ക രീതിയില്‍ കുറച്ചെങ്കിലും സ്വതന്ത്രമാണെങ്കില്‍ മാത്രമേ ഈ ചിത്രത്തിന്റെ മഹത്വം ബോധ്യമാകു. അല്ലാത്ത പക്ഷം അഭിമാനമോ അപമാനമോ ഉളവാക്കുന്ന ജാതി പാരംബര്യങ്ങളുടെ ഓര്‍മ്മപ്പെടുത്തലിനപ്പുറം ഒന്നും തന്നെ ഈ ചിത്രത്തില്‍ കാണാനാകില്ല. രാഷ്ട്രീയത്തിന്റെ മഞ്ഞ കണ്ണട ഒഴിവാക്കാന്‍ തയ്യാറല്ലാത്തവര്‍ക്ക് ഈ സിനിമ മുഴുവന്‍ കണ്ടാലും രാമനും സീതയും തമ്മിലുള്ള ബന്ധത്തെക്കുറിച്ച് അറിവുണ്ടാകില്ല !!!

53 വര്‍ഷങ്ങള്‍ക്കുമുന്‍പ് കേരളത്തിന്റെ പുരോഗമന പ്രസ്ഥാനങ്ങളുടെ ആശയും ആവേശവുമായി അധികാരത്തില്‍ വന്ന ആദ്യ ഇടതുപക്ഷ ഗവണ്മെന്റിന്റെ സ്ഥാനാരോഹണക്കാലത്ത് (1957)നടന്ന കിരാതമായ സ്ത്രീ പീഢനവും,കൊലപാതകവും ആയിരുന്ന പാലേരിമാണിക്യം കൊലക്കേസ് ധനിക മാടംബികള്‍ക്കുവേണ്ടി തേച്ചുമാച്ച് കളഞ്ഞ പാര്‍ട്ടി തുടക്കത്തിലേ അതിന്റെ തൊഴിലാളി വിരുദ്ധ , അധസ്ഥിത വിരുദ്ധ സവര്‍ണ്ണ മാടമ്പിത്തം ഉയര്‍ത്തിപ്പിടിച്ചിരുന്നു എന്നതിന്റെ തെളിവുകൂടിയാണ് പാലേരിമാണിക്യം വെളിപ്പെടുത്തുന്നത്.

പാലേരിയുടെ ബോധമായ ബാര്‍ബര്‍ ബാലനും, ഉപബോധമായ ഭ്രാന്തന്‍ കുമാരനും പറയുന്ന ഒരോ വാക്കുകള്‍ക്കും ടണ്‍ കണക്കിലുള്ള ദാര്‍ശനിക ഭാരമുണ്ട്. അനുഭവചരിത്രത്തിന്റെ കരുത്തുണ്ട്. സത്യത്തില്‍ ഉറങ്ങിപ്പോയ നാടിന്റെ ആത്മബോധം ഉണക്കിയ വിത്തുകളായി ഈ കഥാപാത്രങ്ങള്‍ വര്‍ത്തമാന കാലത്തേക്ക് മാടംബിത്തത്തിന്റെയും ജന്മിത്വത്തിന്റേയും പാര്‍ട്ടിയുടേയും കണ്ണുവെട്ടിച്ച് ഒളിച്ചുകടത്തുകയാണ്.

മമ്മുട്ടിയുടെ ഡിറ്റക്റ്റീവും, കൂട്ടുകാരി ക്രൈം അനലിസ്റ്റും, ബാലന്‍ നായരായി വേഷമിട്ട സിദ്ധിക്കും , ബാര്‍ബര്‍ കുമാരന്റെ വാര്‍ദ്ധക്യമായി പ്രത്യക്ഷപ്പെടുന്ന ശ്രീനിവാസനും മാത്രമേ പാലേരിമാണിക്യത്തില്‍ സിനിമാ അഭിനയ തൊഴിലാളികളായി മുഴച്ചിരിക്കുന്നുള്ളു. മറ്റുള്ള കഥാപാത്രങ്ങളെല്ലാം സിനിമയില്‍ ജീവിക്കുകയാണ്... ചരിത്രത്തിന്റെ നിധിയായ പാലേരിമാണിക്യത്തെക്കുറിച്ചുള്ള വടിവൊത്ത ഓര്‍മ്മകളും സാക്ഷ്യങ്ങളുമായി. ആ സത്യസന്ധമായ ചരിത്രാനുഭവത്തിന് ആ കഥാപാത്രങ്ങള്‍ക്ക് ജീവന്‍ നല്‍കിയവരെ പാകപ്പെടുത്തിയ സംവിധായകനേയും സഹപ്രവര്‍ത്തകരേയും മലയാള സിനിമാ സംസ്ക്കാരത്തിനുവേണ്ടി നമുക്ക് അഭിനന്ദീക്കേണ്ടിയിരിക്കുന്നു.

സര്‍വ്വോപരി പാലേരി മാണിക്യം എന്ന ചരിത്ര സിനിമ മലയാള സിനിമയുടെ ഉജ്ജ്വലമായ ഇതിഹാസമായി
ചിത്രകാരന് അനുഭവപ്പെട്ടതായി രേഖപ്പെടുത്തട്ടെ. വീണ്ടും വീണ്ടും കാണുകയും പഠിക്കപ്പെടുകയും, ചര്‍ച്ചചെയ്യപ്പെടുകയും വേണ്ടതായ മലയാളത്തിന്റെ അഭിമാനമായ ഈ സിനിമ ഒരോ മലയാളിയും കണ്ട് ആത്മാഭിമാനത്തിന്റെ രാസഘടന മനസ്സിലാക്കട്ടെ എന്നാശിക്കുന്നു. അതിലൂടെ സമൂഹത്തിന്റെ ബുദ്ധിമാന്ദ്യത്തിന്റേയും ഷണ്ഢത്വത്തിന്റേയും ബ്ലോക്കുകള്‍ തകര്‍ക്കപ്പെടട്ടെ എന്നും ചിത്രകാരന്‍ ആശിക്കട്ടെ !!!

സ്ത്രൈണതയും ഭീരുത്വവും നിറഞ്ഞ മലയാളസമൂഹത്തില്‍ പൌരുഷത്തിന്റെ സൂര്യനുദിക്കട്ടെ.... !!!

സിനിമ കണ്ടതിനുശേഷം ഇതിന്റെ മൂലരൂപമായ പാലേരിമാണിക്യം നോവലന്വേഷിച്ചു നടക്കുകയാണ് ... ആ നോവലിസ്റ്റിന്റെ ആര്‍ജ്ജവത്തിന്റെ പൂര്‍ണ്ണതകൂടി ചിത്രകാരന് ഇപ്പോള്‍ അറിയേണ്ടതുണ്ട്. ഈ ചരിത്ര സത്യത്തെ പോള്ളലേല്‍ക്കാതെ, ഉള്ളം കയ്യിലെടുക്കാന്‍ കരുത്തുകാണിച്ച ധീരനായ യഥാര്‍ത്ഥ സാഹിത്യകാരനെ സിനിമയിലൂടെത്തന്നെ കാണാനാകുന്നുണ്ട്.... എങ്കിലും... നോവലുകൂടി വായിച്ചേ തീരു !
അടിമത്വത്തിന്റെയും ജന്മിത്വത്തിന്റേയും വ്യാകരണ നിയമങ്ങല്‍ ഈ ചിത്രങ്ങളിലുണ്ട്.


പാലേരി മാണിക്യമായി മികച്ച അഭിനയം കാഴ്ച്ചവച്ച പുതുമുഖ നടി...
പേരെന്താണെന്നറിയില്ല... എന്തായാലും അഭിനയമായി തോന്നാത്ത അഭിനയം .
ദില്ലിയില്‍ നിന്നും ഒരു ഉള്‍വിളിയുമായി പാലേരിയിലെത്തിയ ഡിറ്റക്റ്റീവും , ക്രൈം അനലൈസറും കുരുക്കഴിച്ചുകൊണ്ടുവരുന്ന തരത്തിലുള്ള കുറച്ചു കൃത്രിമമായ അവതരണ രീതിയാണ് സിനിമയിലുള്ളത്.
പാലേരി മാണിക്യം നോവലില്‍ എങ്ങനെയാണ് കാര്യങ്ങള്‍ അവതരിപ്പിച്ചിരിക്കുന്നതെന്നറിയില്ല.
പല ബുക് സ്റ്റാളിലും അന്വേഷിച്ചെങ്കിലും നോവല്‍ കയ്യില്‍ കിട്ടിയിട്ടില്ല.
ക്രൂരതയും,ആണത്വവും പൈതൃക ജീനിന്റെ കുഴപ്പമാണെന്ന് സ്ഥാപിക്കുന്ന തരത്തിലുള്ള വേലിചാട്ടവും സ്ത്രീ താല്‍പ്പര്യങ്ങളും
ഡിറ്റക്റ്റീവില്‍പ്പോലും കുറച്ച് മുഴച്ചിരിക്കുന്നുണ്ട്. ക്രൈം അനലൈസറായി അവതരിപ്പിച്ചിരിക്കുന്ന സ്ത്രീയിലൂടെ നിലവിലുള്ള സ്ത്രീസ്വാതന്ത്ര്യ സംങ്കല്‍പ്പങ്ങളുടെ നല്ലൊരു പൊള്ളയായ പീസിനെ അവതരിപ്പിച്ചിരിക്കുന്നു.

ഒരുപക്ഷേ, മമ്മുട്ടി എന്ന നടന്റെ താര ജാടകളെ തൃപ്തിപ്പെടുത്താനുള്ള കോംബ്രമൈസുകള്‍ ഡിറ്റക്റ്റീവിന്റെ
പശ്ചാത്തലമായി കൂട്ടിച്ചേര്‍ത്തതാകാം.
കുറ്റിയാടി ചന്തപ്പറംബില്‍ നാടകം കാണാന്‍ പുറപ്പെടുന്ന പൊക്കനും, ഭാര്യ പാലേരിമാണിക്യവും.
യാത്രമുടക്കുന്ന ചന്ദന്‍ പൂശാരി
പാലേരി മാണിക്യം കൊല്ലപ്പെട്ട ദിവസം നടന്ന മറ്റൊരു മരണം.
അംമ്പലക്കടവില്‍ മരിച്ചുകിടക്കുന്ന ശാന്തിക്കാരന്‍
നാടിന്റെ ബോധമായി മാറിയതും... സിനിമയുടെ അദൃശ്യ ആത്മാവായി നിറഞ്ഞു നില്‍ക്കുന്നതുമായ
ബാര്‍ബര്‍ കേശവന്‍
മാണിക്യത്തിന്റെ മരണത്തില്‍ ദുരൂഹതയില്ലെന്ന് സമര്‍ത്ഥിക്കുന്ന തേങ്ങാ കച്ചവടക്കാരന്‍ കുഞ്ഞിക്കണ്ണനും,
പ്രമാണി , വേലായുധനും.
ആങ്ങളയുടെ ദുഖം
മാടംബിത്വത്തിന്റെ അധികാര ചിഹ്നങ്ങള്‍...
അന്നത്തെ പോലീസും നാട്ടുകാരും. സത്യസന്ധതപാലിക്കുന്ന സിനിമ ദൃശ്യങ്ങള്‍
മുടിവെട്ടുന്നതിനിടക്കൊരു രാഷ്ട്രീയ ചര്‍ച്ച.
ചോദ്യം ചെയ്യപ്പെടുന്ന പ്രതികള്‍
മാണിക്യത്തിന്റെ ഭര്‍ത്താവ് പൊട്ടന്‍ പൊക്കനും, അമ്മ ചിരുതയും
മുരിക്കിന്‍ കുന്നത്ത് അഹമ്മദ് ഹാജിയായി തകര്‍ത്ത് അഭിനയിച്ച മമ്മുട്ടി... അം‌മ്പട്ടാന്‍ ജനിക്കുന്നതും മരിക്കുന്നതും അം‌മ്പട്ടാനായിത്തന്നെ വേണമെന്ന് ...

ചിരുതയുടെ ചെറുപ്പകാലം.. മനോഹരമായ ദൃശ്യങ്ങള്‍.
ഇരയെ ആവാഹിച്ചു വിളിച്ചുവരുത്തുന്ന വേട്ടക്കാരന്‍
ജന്മിത്വത്തിനു മുന്നില്‍ കുടിയാന്മാര്‍ അടിമകള്‍ തന്നെയാണ്.
ഒന്നു കുതറിമാറാന്‍ കൂടി കഴിയില്ല.
അടിമയാക്കപ്പെട്ട സ്ത്രീത്വം... സമൂഹത്തിന്റെ അടിമത്വം എന്നതാണ് കൂടുതല്‍ സത്യം !
കളപോലെ,ആവശ്യമില്ലാത്തെ വാഴതയ്യു പോലെ ചവിട്ടി ഉടക്കപ്പെടുന്ന/
നശിപ്പിക്കപ്പെടുന്ന ആണത്വത്തിന്റെ എതിര്‍ ശബ്ദങ്ങള്‍
നിഷ്ക്കളങ്കതയുടെയും ശാലീനതയുടേയും കിലുക്കം ദൃശ്യമാകുന്ന ഭാവപ്രകടനങ്ങള്‍...
പാലേരി മാണിക്യവും, ബന്ധു വേലായുധനും
അടുത്ത ഇരക്കായി കുതിക്കുന്ന മാടംബിത്വം.
തുന്നിക്കൂട്ടിയ സത്യം എന്ന നാടകത്തിന്റെ രചയിതാവായി... എസ്.കെ.പള്ളിപ്പുറം...
കല വളര്‍ത്താന്‍ കലാഹൃദയമുള്ള ധനികര്‍തന്നെ വേണമെന്ന് വിശ്വസിക്കുന്ന
ഭൂരിപക്ഷം കലോപജീവികളുടേയും പ്രതിനിധി ! (ഇന്നത്തെയടക്കം!!!)
ഓവറായ മേക്കപ്പുകൊണ്ട് കോലം കെടുത്തപ്പെട്ട ബാര്‍ബര്‍ കേശവന്റെ വാര്‍ദ്ധക്യ വേഷത്തില്‍
നടന്‍ ശ്രീനിവാസന്‍.
ശ്രീനിവാസന്റെ മുഖത്ത് ചാണകം മെഴുകിവക്കാന്‍ നന്നായി മേക്കപ്പ്മാന്‍ അദ്ധ്വാനിച്ചിട്ടുണ്ട്.
ഒരു വേള, ബാര്‍ബര്‍ കേശവന്റെ യാത്ഹാര്ത്ത്ഹത്തിലുല്‍ രൂപ സാദൃശ്യത്തിലേക്ക് കൂട്ടി മുട്ടിക്കാന്‍ ശ്രമിച്ചതായിരിക്കണം.
പാലേരിമാണിക്യത്തിന്റെ ശവക്കുഴിക്കു തുല്യമായ പാലേരി സ്കൂള്‍
പത്തേക്കര്‍ സ്ഥലത്തൊരു സ്കൂള്‍.. നല്ലതുതന്നെ. പക്ഷേ അതിന്റെ വില ഭീകരം !!
സഖാവ് കെ.പി.ഹംസയായി അഭിനയിച്ച നടന്‍ ജീവിക്കുകതന്നെ ചെയ്യുന്നു.
കൃത്രിമമായ പ്രസംഗഭാഷ ഗംഭീരമായിരിക്കുന്നു.
രസകരമായ അന്ത്യം

24 comments:

ജോണ്‍ ചാക്കോ, പൂങ്കാവ് said...

:)

shajiqatar said...

ചിത്രകാരാ ഒരു സിനിമ കണ്ട പോലെ തോന്നി.ഇത് കാണാന്‍ പറ്റിയില്ല.പലരും പറഞ്ഞു ഇതിനെ പറ്റി,ഇനി സി ഡി തന്നെ ശരണം.പല സ്ഥലത്തും നിന്നും ഈ സിനിമയെ പറ്റി വായിച്ചു,ഒരു കമ്യുണിസ്റ്റ്‌ വിരുദ്ധ ചിത്രമാണെന്ന് കേള്‍ക്കുന്നുണ്ട്. താങ്കള്‍ എല്ലാ സിനിമയും കണ്ടു അതിനെ പറ്റിയൊക്കെ എഴുതൂ ഇത് വളരെ നന്നായിട്ടുണ്ട്:))-

ജീവി കരിവെള്ളൂര്‍ said...

പാലേരി മാണിക്യം പതിവു കാഴ്ചകളില്‍ നിന്നും വ്യത്യസ്ഥമായ ഒരു സിനിമ കാഴ്ച സമ്മാനിച്ചു

poor-me/പാവം-ഞാന്‍ said...

പാലേരി...
ആദ്യമായി പറയട്ടെ ഈ സിനിമയുടെ കഥ ‘മാതൃഭൂമിയില്‍ വന്ന തുടരനെ വച്ച് ഉണ്ടാക്കിയതാണ്”
താങ്കള്‍ക്ക് സമയത്തിന് അറിവ് നല്‍കാന്‍ അന്ന് ഞാന്‍ ഒരു പോസ്റ്റും ഇട്ടു..
ഈ മുരളിയേട്ടന്‍ പിന്നെ
അങോടൊന്നും വരൂലല്ലൊ?
കോഴിക്കോട്ട് കേ.പി.കേ.മേനോന്‍ റോഡിലെ പഴയ പേപ്പറ് കാരേയോ, എം.എം പ്രെസ്സിനേയോ ആശ്രയിച്ചാല്‍ ചിലപ്പോള്‍ ആ ലക്കങള്‍ കിട്ടിയേക്കും...
പഷ്ക്കെ” നോവലും സിനിമയും കുറെ വ്യത്യാസമുണ്ടെത്രെ!!
എന്റെ പോസ്റ്റ് കണ്ട് 37 പേറ് സിനിമ കണ്ടെത്രെ!!!
ഇനി താങ്കളുടെ ഊഴം...
ഈ ബ്ലോഗ് പ്രശസ്തമായതിനാല്‍ ഡി.വി.ഡി. ആയിരങള്‍ ചിലവാകും.
പിന്നെ താങ്കള്‍ തിരിച്ചറിയാന്‍ പരാജയപ്പെട്ട നടന്‍ (നേതാവ്) ഐ.വി.ശശിയുടെ കൂടെ നാം കേട്ടിട്ടുള്ള ....ആണ്!!! (ടി.ദാമോദരന്‍)

Muhammed Shan said...

രഞ്ജിത്തിന്റെ നല്ല ചിത്രങ്ങളില്‍ ഒന്ന്..!
തീര്‍ത്തും അസാധാരണം എന്ന് പറയാന്‍ ഒന്നുമില്ല..

നന്ദന said...

മാടംബികമ്മ്യൂണിസ്റ്റ് കൂട്ടുകെട്ടിനെ ഒന്നു തോണ്ടിയത് കൊണ്ട് ഈ സിനിമ ചിത്രകാരന് വളരെ ഇഷ്ടപ്പെട്ട് പോയിരിക്കാം. പക്ഷെ ഈ സിനിമയുടെ അണിയറശില്പികളും ചിത്രകാരനും തെറ്റുകൾ തിരുത്തി കമ്മ്യൂണിസം എന്നും നിലനിൽക്കണമെന്ന ആഗ്രഹമുള്ളവരാണെന്ന് വിശ്വസിക്കാനാണ് എനിക്കാഗ്രഹം

Baiju Elikkattoor said...

excellent post, chithrakaran!

5:00 മണി said...

ഈ സിനിമ/നോവലിനെപറ്റി, മറ്റൊരു വായനക്ക്, ഇവിടെയും .
ഇവിടെയും . ഉണ്ട്.

റോബി said...

മാരീചന്റെ പോസ്റ്റിലിട്ട കമന്റു തന്നെ ഇവിടെയും കിടക്കട്ടെ.

പാലേരി മാണിക്യം ഒരു നല്ല പടമാണെന്നു അഭിപ്രായിക്കുകയും റിവ്യൂ എഴുതുകയും ചെയ്യുന്നവര്‍ ചരിത്രക്ലാസ്സുകളിലേക്ക് മടങ്ങിപോകുന്നത് നല്ലതായിരിക്കും. ഇനി ചരിത്രം ഹറാമാണെന്കില്‍, റിവ്യൂ എഴുതുന്ന സമയത്ത് രണ്ട് ചേന നടുകയായിരിക്കും കൂടുതല്‍ നല്ലത്.

home pets center said...

edue enikkue oru cinima aayi kananannue thalparyam

sujith said...

nan ee blog sthiramayi vayikkarundu....
palerimanikkyam pole kanavunna oru cinemayanu..." sallapam "
onnu kandu nokku...
oru postinulla vaka athil ninnum kittum....

kuttan said...

വെറും 60 വര്‍ഷങ്ങള്‍ക് മുന്‍പ് പോലും " ചിരുത" മാര്‍ക്കു മക്കളോട് അച്ഛന്‍ ആരെന്നു പറയാന്‍ കഴിയാത്ത പോലെ ,
വിര്ധനായ മടംബിക്ക്
സര്‍വീസ് കഴിഞ്ഞു ഷെഡില്‍ കയറുമ്പോള്‍ മകന്റെ ഭാര്യെ കൂട്ടി കൊടുക്കുനതിനും പ്രേരിപിച്ച
ജാതി അഭിമാനത്തെയും മനികാതെ വയ്യ .

Sreejith kondottY said...

നല്ല ഒരു സിനിമ .. എല്ലാ അഭിനേതാക്കളും ജീവിക്കുന്ന പോലെ തോന്നി. പ്രതേകിച്ചു ബാര്‍ബര്‍ കേശവന്‍ (മുസ്തഫാ, തേഞ്ഞിപ്പലം, മലപ്പുറം) വളരെ നന്നായി....

നട്ടപിരാന്തന്‍ said...

പ്രിയപ്പെട്ട ചിത്രകാരാ...

ഈ കുറിപ്പ് എഴുതുന്നതിനു മുമ്പ് ശ്രീ. മാരീചന്റെ ഈ സിനിമയെക്കുറിച്ചുള്ള റിവ്യൂ വായിക്കുകയോ, അല്ലെങ്കില്‍ സിനിമയെന്നാല്‍ അത് ചരിത്രമാണെന്ന് കരുതുന്നവരുടെ സര്‍ട്ടിഫിക്കറ്റ് വാങ്ങുന്നതും നല്ലതായിരിക്കും.

ചിത്രകാരാ... നല്ല സിനിമാ അനുഭവം അറിയണമെങ്കില്‍ കി ഡുക്ക് കിം എന്ന കൊറിയന്‍ സംവിധായകന്റെ “3 അയണ്‍” “സമ്മര്‍ വിന്റര്‍ സ്പ്രിംഗ്“ എന്ന സിനിമ കാണുക..

എന്നെ സംബന്ധിച്ച്...എന്റെ സിനിമാനുഭം ആ ചിത്രങ്ങള്‍ക്ക് മുമ്പും ശേഷവും എന്ന രീതിയില്‍ ആണ്.

വേറിട്ട ഒരു സിനിമാനുഭം ആയിരിക്കും ആ ചിത്രം... അതിന് ചിലവിട്ട സമയവും മൂല്യവത്തായിരിക്കും.

റോബി said...

53 വര്‍ഷങ്ങള്‍ക്കുമുന്‍പ് കേരളത്തിന്റെ പുരോഗമന പ്രസ്ഥാനങ്ങളുടെ ആശയും ആവേശവുമായി അധികാരത്തില്‍ വന്ന ആദ്യ ഇടതുപക്ഷ ഗവണ്മെന്റിന്റെ സ്ഥാനാരോഹണക്കാലത്ത് (1957)നടന്ന കിരാതമായ സ്ത്രീ പീഢനവും,കൊലപാതകവും ആയിരുന്ന പാലേരിമാണിക്യം കൊലക്കേസ് ധനിക മാടംബികള്‍ക്കുവേണ്ടി തേച്ചുമാച്ച് കളഞ്ഞ പാര്‍ട്ടി തുടക്കത്തിലേ അതിന്റെ തൊഴിലാളി വിരുദ്ധ , അധസ്ഥിത വിരുദ്ധ സവര്‍ണ്ണ മാടമ്പിത്തം ഉയര്‍ത്തിപ്പിടിച്ചിരുന്നു എന്നതിന്റെ തെളിവുകൂടിയാണ് പാലേരിമാണിക്യം വെളിപ്പെടുത്തുന്നത്.

മേലെ കൊടുത്ത വാചകം ചിത്രകാരന്‍ തന്നെ എഴുതിയതാണ്. ഈ കണ്‍ക്ലൂഷനിലെത്താന്‍ ചിത്രകാരന്‍ ഉപയോഗിച്ച പ്രിമൈസ് ‘പാലേരി മാണിക്യം’ യഥാര്‍ത്ഥ ചരിത്രമാണെന്ന തെറ്റിദ്ധാരണയാണ്. അതുകൊണ്ടാണ് ചരിത്രക്ലാസുകളിലേക്ക് മടങ്ങണമെന്നു പറയുന്നത്.

ഇനി കലാപരമായ മേന്മ വെച്ചാണെങ്കില്‍ ആ സ്കെയിലിലും പറയാം. ‘സിനിമാറ്റിക്’ എന്നുവിളിക്കാവുന്ന ഗുണങ്ങളൊന്നുമില്ലാത്ത ഒരു ടോക്കിയാണീ പടം. സ്ക്രീനിലെ ദൃശ്യത്തിനു സമാന്തരമായി നായകന്റെ വിശദീകരണങ്ങള്‍ സിനിമയെന്താണെന്ന ബോധ്യമുള്ള സംവിധായകന്‍ ഉപയോഗിക്കുകയില്ല. തന്റെ കഴിവിന്റെ പരിമിതിയെപ്പറ്റി സംവിധായകനു നല്ല അപകര്‍ഷതാബോധമുണ്ടായിരിക്കണം, അല്ലെങ്കില്‍ ഇതു കാണുന്നവന്‍ മന്ദബുദ്ധിയാണെന്ന് സംവിധായകന്‍ കരുതിയിട്ടുണ്ടാവണം.

അഖ്യാനഘടനയിലും പാത്രസൃഷ്ടിയിലും കഥാപാത്രങ്ങള്‍ സംസാരിക്കുന്ന ഭാഷയിലുമെല്ലാം കൃത്രിമത്വം മുഴച്ചു നില്‍ക്കുന്നു.

പാലേരിയില്‍ നിന്നു 10 കിമീ ദൂരമേയുള്ളൂ എന്റെ വീട്ടിലേക്ക്. പാലേരിയുടെ ചരിത്രവും ഭാഷയും ഒക്കെ എനിക്കുമറിയാം കുറച്ചൊക്കെ.

കാള പെറ്റെന്നു കേട്ടപ്പോളെടുത്ത കയറു പോലെയാണീ പോസ്റ്റ്. അതു സംഭവിച്ചത് ചിത്രകാരനു ചരിത്രബോധം കമ്മിയായതുകൊണ്ടു തന്നെയാണ്.

ചെലക്കാണ്ട് പോടാ said...

കണ്ടില്ല, കാണണം...

SMASH said...
This comment has been removed by the author.
SMASH said...

ഓഫ്:
"സ്ക്രീനിലെ ദൃശ്യത്തിനു സമാന്തരമായി നായകന്റെ വിശദീകരണങ്ങള്‍ സിനിമയെന്താണെന്ന ബോധ്യമുള്ള സംവിധായകന്‍ ഉപയോഗിക്കുകയില്ല"

എന്താണ്‌ സിനിമയെന്താണെന്ന ബോധ്യം? സിനിമ(എല്ലാ കലകളും) എന്നു പറഞ്ഞ് ആര്‍ക്കും എന്തു തേങ്ങ വേണമെങ്കിലും കാണിക്കാം. എന്നാല്‍ അംഗീകാരം അതാണല്ലോ എല്ലാം. അതിനാല്‍ അംഗീകാരം കിട്ടണമെങ്കില്‍ ഇപ്പറഞ്ഞ സിനിമാ വ്യാകരണക്കാരുടെ മാനദ്ണ്ഡം അനുസരിക്കണം എന്നതാണ്‌ കാര്യം. രഞ്ചിത്തിന്റെ(പാലേരി മാണിക്ക്യത്തിന്റെ) കാര്യം വിട്,ഇതുപോലുള്ള പരീക്ഷണങ്ങള്‍(?) ചെയ്യാന്‍ പാടില്ലാ എന്നതിന്റെ മാനദണ്ഡം എന്താണ്‌? വലിയ വലിയ സം‌വിധായകരൊന്നും അതുപോലെ ചെയ്തിട്ടില്ല എന്നത് മാത്രമാണോ അതോ? ചലച്ചിത്രത്തിന്റെ വ്യാകരണം, രീതിശാസ്ത്രം എന്നൊക്കെ പറയുന്നത് ആരുടെ അഭിരുചിക്കനുസരിച്ചുണ്ടാക്കിയതാണ്‌? ആരാണിതൊക്കെ ഇങ്ങനെ തന്നെ വേണം എന്നൊക്കെ തീരുമാനിച്ചത്? എന്റെ അഭിപ്രായത്തില്‍ ഇതും ഒരു തരം Fascism. ഞങ്ങള്‍ തീരുമാനിച്ചതാണ്‍‌, തീരുമാനിക്കുന്നതാണ്‌ ഏറ്റവും ഉല്‍കൃഷ്ടം, ബാക്കിയെല്ലാം ചവറ് എന്ന എന്ന രീതിയാണ്‌. ഈ ചിന്ത അങ്ങ് തട്ടുപൊളിപ്പന്‍ ആസ്വാദകര്‍ വരെ നീണ്ടു കിടക്കുന്നു. മഹാനായ പ്രിയദര്‍ശന്റെ ഫാന്‍സ് പാവം വിനയന്റെ ചിത്രങ്ങളെ തെറിപറയുന്നതും, അടൂര്‍ ഭക്തന്മാര്‍ ടി. വി ചന്ദ്രനേയും അതുപോലെ തിരിച്ചും കുറ്റം പറയുന്നതും, സ്പീല്‍ബര്‍ഗ് ഫാന്‍സ് റിഡ്ലി സ്കോട്ട് പടങ്ങളെ കുറ്റം പറയുന്നതും, കിം കി ഡുക്ക്(ഇദ്ദേഹത്തിന്റെ ടൈം എന്ന പടം കണ്ടിട്ട് ഒന്നും മനസിലായില്ല) ഫാന്‍സ് വേറെ വല്ല പടങ്ങളെ പറയുന്നതും ഒക്കെ കണക്കാ(If excepting factual errors).

ranjuradha said...

Film was okay and relatively good one. But this review was horrible. Misogynist and sexist to the core. Though, the film does not believe or rather move away from the stereotypical notion of "Thanthakku Pirakkal", the reviewer wants to pull us back to that feudal reverie. The misogynst comments on the female crime analyst and the funny masculine way of looking at the re-emergence of malayalam cinema stand testimony to the level of thinking that still defines malayali male psyche.. It is time for these male mallus to grow up !

റോബി said...

@SMASH
‘സിനിമ’യെ തിരിച്ചറിയാന്‍ കഴിവുള്ളവര്‍ക്ക് ഞാനെഴുതിയ വാചകം മനസ്സിലാകും.

പിന്നെ താങ്കള്‍ ബഹുവചനം ചേര്‍ത്തെഴുതിയ കൂട്ടത്തിലൊന്നും(വ്യാകരണക്കാര്‍/ തീരുമാനിക്കുന്നവര്‍/ഫാന്‍സ്) തത്കാലം ഞാന്‍ ഉള്‍പ്പെടുന്നില്ല. സിനിമ എന്നു പറഞ്ഞ് എന്തു തേങ്ങ കാണിച്ചാലും ആ തേങ്ങകള്‍ സിനിമയാകണമെന്നില്ല.

ഒരു ചലചിത്രം സിനിമയാണെന്ന് ആരും കൂട്ടം കൂടിയിരുന്ന് തീരുമാനിക്കുന്നതുമല്ല.

വരി മുറിച്ചെഴുതിയാല്‍ എന്തും കവിതയാവില്ല. എന്നാല്‍ ചിലപ്പോള്‍ ചിലത് കവിതയായെന്നും വരാം. കവിതയറിയാവുന്നവര്‍ അതു തിരിച്ചറിഞ്ഞുകൊള്ളും.

ഷൂട്ട് ചെയ്ത്, എഡിറ്റ് ചെയ്ത് ചേര്‍ത്തുവെച്ചാല്‍ എല്ലാ വീഡീയോയും സിനിമയാകില്ല. ഉദാഹരണത്തിനു കല്യാണവീഡിയോ സിനിമയാണെന്നു ആരും പറയില്ലല്ലോ.

സ്ക്രീനിലെ ദൃശ്യത്തിനു സമാന്തരമായി നായകന്റെ വിശദീകരണങ്ങള്‍ ഉള്ള ഈ പടത്തിലെ രംഗങ്ങള്‍ കഥാപ്രസംഗമാണെന്നു പറയുന്നതാവും കൂടുതല്‍ ശരി.

Jishad Ali Ahamed said...

Dear Kuttaaa...

ഇവിടെയെങ്കിലും ജാതീയതയെ പുരത്തു നിര്ത്തിയിട്ട് വരൂ സുഹ്റ്ത്തേ!!!

Jishad Ali Ahamed said...
This comment has been removed by the author.
Jishad Ali Ahamed said...

പ്രിയ റോബീ,

എന്തു കലാരൂപമാന്ണെങ്കിലുമ്...അതു കൊള്ളില്ല എന്നോ കൊള്ളാം എന്നോ തീറ്ത്ത് പറയാന്‍ റോബിക്കെന്നല്ല ആര്‍ക്കും അവകാശമില്ല....ചിലപ്പോള്‍ താങ്കള്ക്ക് വളരെയധികം ഇഷ്ടപ്പെട്ട ഒരു കലാരൂപം എനിക്കിഷ്ടപ്പെട്ടില്ല എന്നു വരാമ്!!! എനിക്കിഷ്ടപ്പെട്ടില്ല എന്നതു കൊണ്ട് അതു ചീത്ത്യാകുന്നില്ല... അതുപോലെ താങ്കള്ക്കിഷ്ടപ്പെട്ടു എന്നതു കൊണ്ടത് ശ്രേഷ്ഠവുമാകുന്നില്ല.... സിനിമ റ്റോക്കി ആകരുത് എന്ന് ആരാണു നിയമമുണ്ടാക്കിയതു...? ഞാനൊരു സിനിമാ പണ്ഡിതനല്ലെങ്കിലുമ്, കുറച്ചു സിനിമകള്‍ പലഭാഷകളിലായി കണ്ടിട്ടുണ്ട്, എനിക്ക് പാലേരി മാണിക്യം വളരെ ഇഷ്ടമായി, പക്ഷേ അതുകൊണ്ട് താങ്കള്ക്കത് ഇഷ്ടപെടണമെന്ന് ഞാന്‍ ശഠിക്കില്ല!!!

പിന്നെ സ്വന്തം നാട്ടില്‍ ഇപ്പോള്‍ നടക്കുന്ന കഥകള്‍ പോലും നമ്മള്‍ അറിയുന്നില്ല, അപ്പോള്‍ പത്ത് കി. മീ. അപ്പുറത്ത് പണ്ടെങ്ങോ നടന്ന കഥ റോബി അറിയാത്തതില്‍ വലിയ അത്ഭുതം ഒന്നും ഇല്ല!!!

SMASH said...

അല്പം വൈകി, എങ്കിലും

പാലേരിമാണിക്കത്തില്‍, അഭിനയവും സംഭാഷണവും ഒഴികെ മറ്റെല്ലാം പാളി..
പക്ഷെ narrator സമാന്തരമായി വരുന്നതിനാല്‍ അത് സിനിമയാകില്ല എന്ന് പറയുന്നതിനോട് യോജിക്കാന്‍ ആകില്ല. കല്യാണ ആല്‍ബം വെട്ടിയൊട്ടിപ്പു മാതിരി ആ സീന്‍ അവതരിപ്പിച്ചതില്‍ അതില്‍ വല്ലാതെ കൃത്രിമത്വം തോന്നി എന്നതു സത്യം. പിന്നെ മഞ്ഞപിത്തം പിടിച്ച പോലുള്ള കളറും. ഇത്തരം ഒരു പരീക്ഷണം ഏതെങ്കിലും ലോകോത്തര സം‌വിധായകന്‍ സര്‍ഗാത്മകമായി, സാങ്കേതിക തികവോടെ നടത്തിയാല്‍ അതും ഒരുപക്ഷെ വരുംകാല വ്യാകരണ പുസ്തകത്തില്‍ സ്ഥാനം പിടിച്ചേക്കാം. ടറാന്റീനോയൊക്കെ എന്തൊക്കെ അക്രമം കാണിച്ചിരിക്കുന്നു!

Translate

Followers