Thursday, February 10, 2011

മുടി പ്രതിഷ്ഠിക്കാന്‍ കോഴിക്കോട് ഏറ്റവും വലിയ പള്ളി പണിയുന്നു !

ഇന്നലത്തെ (9.2.11)മാതൃഭൂമി പത്രത്തില്‍  ഇ.സലാഹുദ്ദീന്റെ ബൈ ലൈനോടുകൂടിയ 
ഗ്രാന്‍ഡ് മോസ്ക്കിനെക്കുറിച്ചുള്ള വാര്‍ത്ത.
(ചിത്രത്തില്‍ ക്ലിക്കിയാല്‍ വായിക്കാവുന്ന വലിപ്പത്തില്‍ കാണാം.)  
വിഗ്രഹാരാധനയുടെ ആസ്ഥാനമായ ഇന്ത്യയില്‍ അമ്പലം പണിയലും, പള്ളിപണിയലും, മേല്‍ക്കൂരയും ഓവുചാലും സ്വര്‍ണ്ണം കൊണ്ട് പൊതിയലുമൊക്കെ വിശ്വാസത്തിന്റെ നിലനില്‍പ്പിനും കുലീനത്വത്തിനും മഹനീയതക്കും അന്തസ്സിനും ഒഴിച്ചുകൂടാനാകാത്ത അത്യാവശ്യങ്ങളാണ്. ഇല്ലെങ്കില്‍ ഭക്തര്‍ അധാര്‍മ്മികരായി വഴിപിഴച്ചു പോകും!

ദൈവം ഒരു രാജാവോ(കൊള്ളക്കാരന്‍‍,പിടിച്ചുപറിക്കാരന്‍‍,പശു-പെണ്ണ് മോഷ്ടാവ് എന്നിവയുടെ പഴയകാല പര്യായമാണ് രാജാവ് ) ചക്രവര്‍ത്തിയോ പ്രേമ പരവശനായ പെണ്ണുപിടിയനോ ആണെന്നാണ് വിശ്വാസികള്‍ കരുതുന്നത്. ദൈവീക ആസ്ഥാനങ്ങള്‍ എല്ലാം കൊട്ടാരങ്ങളാകുന്നത് അതുകൊണ്ടാണ്.

ഒരു ചെറ്റ കുടിലില്‍ പോലും ജനിക്കാന്‍ ഭാഗ്യം ലഭിക്കാത്ത കാലിത്തൊഴുത്തിലെ കൃസ്തുവിനെപ്പോലും ദൈവമായി പ്രഖ്യാപിച്ചപ്പോള്‍ ആടംബരപൂര്‍ണ്ണമായ കൊട്ടാരങ്ങള്‍ പണിത് മാറ്റി പാര്‍പ്പിക്കുകയും, മട്ടലില്‍(തെങ്ങിന്‍ മടലില്‍,മടക്കന‍യില്‍) ഉടുമ്പിനെ കെട്ടിയിട്ടതുപോലെ അദ്ദേഹത്തെ സ്വര്‍ണ്ണക്കുരിശില്‍ സ്വര്‍ണ്ണ ആണികൊണ്ട് ക്രൂശിച്ച് പണത്തിന്റേയും അധികാരത്തിന്റേയും രാജകീയ ചിഹ്നമാക്കാനും വിശ്വാസി സമൂഹത്തിന് ലജ്ജ തോന്നാത്തതും ദൈവം രാജാധിരാജനാണെന്ന അടിയുറച്ച വിശ്വാസം കാരണമാണ്.

ഈ നീചമായ വിഗ്രഹാരാധനക്കെതിരെ ശക്തിയുക്തം നിലകൊണ്ട മതമെന്ന് അഭിമാനിച്ചിരുന്ന ഇസ്ലാം മതവും ഇപ്പോള്‍ വിശ്വാസികളെ താന്ത്രിക (മന്ത്രവാദത്തിലൂടെ)കണ്‍കെട്ടുവിദ്യയിലൂടെ തങ്ങളുടെ അടിമകളാക്കാനുള്ള ശ്രമം ആരംഭിച്ചതിന്റെ ഭാഗമായാകണം നബിയുടെ മുടി സൂക്ഷിക്കുന്ന ഇന്ത്യയിലെ ഏറ്റവും വലിയ പള്ളി കോഴിക്കോട് സ്ഥാപിക്കാന്‍ ആരംഭിച്ചതെന്നു തോന്നുന്നു.
കോഴിക്കോട് പണിയുന്ന ഇന്ത്യയിലെ ഏറ്റവും വലിയ പള്ളിയുടെ ഏറ്റവും ഉയരം കൂടിയ മിനാരത്തിനു താഴെയായിരിക്കുമത്രേ നബിയുടെ മുടി സൂക്ഷിക്കുന്ന ശ്രീകോവില്‍ !!!!
കാശ്മീരിലെ ഹസ്രത്ത് ബാല്‍ പള്ളിയിലും തുര്‍ക്കിയിലെ ഒരു മ്യൂസിയത്തിലും മാത്രമാണത്രേ ഇങ്ങനെ നബിയുടെ മുടി സൂക്ഷിക്കുന്ന ഏര്‍പ്പാടുള്ളത്.  രണ്ടു വര്‍ഷം കൊണ്ടു പൂര്‍ത്തിയാകുന്ന കോഴിക്കോട് മുടിപള്ളി തുറക്കുന്നതിലൂടെ ഭക്ത ജനങ്ങള്‍ക്ക് മുടി പൂജ നടത്താമെന്നത് മഹാഭാഗ്യം തന്നെ !!!

കോഴിക്കോട് നഗരത്തിനു പുറത്ത്  12 ഏക്കര്‍ സ്ഥലത്ത് 8 ഏക്കര്‍ സ്ഥലം ഉദ്ധ്യാനവും 4 ഏക്കര്‍ സ്ഥലം കെട്ടിട സമുച്ചയവുമായി 40 കോടി ചിലവില്‍ നിര്‍മ്മിക്കുന്ന പള്ളിയില്‍ കാല്‍ ലക്ഷം ജിഹാദികള്‍ക്ക് ഒത്തുകൂടി പ്രാര്‍ത്ഥിക്കാനുള്ള (?)സൌകര്യമുണ്ടായിരിക്കുമത്രേ ! ഇപ്പോള്‍ തന്നെ മുക്കിനു മുക്കിനു പെട്ടിക്കടകള്‍ പോലെ പള്ളികളുള്ള കേരളത്തില്‍ എന്തിനാണ്  മുടി സൂക്ഷിക്കുന്ന പള്ളി പണിയുന്നത് എന്നൊന്നും നാം ചിന്തിക്കുക പോലും ചെയ്യരുത്. മത വൃണം വികാരപ്പെട്ട് പൊട്ടിയൊലിക്കും !

40 കോടി ചിലവഴിച്ചു പണിയാന്‍ പോകുന്ന ഈ പള്ളി നിര്‍മ്മാണത്തിന്റെ പേരില്‍ 4000 കോടിയെങ്കിലും അറബികളില്‍ നിന്നും പിരിക്കാന്‍ പദ്ധതിയില്ലാതിരിക്കുമോ ? പണം പിരിക്കുമ്പോള്‍ ലോക ഇസ്ലാമിക വര്‍ഗ്ഗീയ രാഷ്ട്രീയ താല്‍പ്പര്യങ്ങള്‍ മാനിക്കാതിരിക്കാനാകുമോ ?  1200 പേര്‍ക്ക് താമസിക്കാന്‍ സൌകര്യമുള്ള ഗ്രന്‍ഡ് മോസ്ക്കില്‍ എന്തെല്ലാം വര്‍ഗ്ഗീയ രാഷ്ട്രീയ വിഷമാണ് ഉത്പ്പാദിപ്പിക്കപ്പെടുക എന്ന് മതനിരപേക്ഷ സമൂഹം ജാഗ്രതയോടെ നിരീക്ഷിക്കേണ്ടി വരില്ലേ ? ശബരിമലപോലെ തീര്‍ത്ഥാടക പ്രവാഹം ലക്ഷ്യം വക്കുന്ന പൌരോഹിത്യ തന്ത്രം ഗ്രാന്‍ഡ് മോസ്ക്കിനു പിന്നില്‍ പ്രവര്‍ത്തിക്കുന്നുണ്ടാകില്ലേ ?
ഇന്ത്യയില്‍ നിന്നും വിദേശത്തുനിന്നും നബി തിരുമേനിയുടെ തിരു മുടി ഒരു നോക്കു കാണാനായി കോഴിക്കോട്ടെത്തുന്ന വിശ്വാസികളായ ജന സഹസ്രങ്ങളെ പിഴിഞ്ഞെടുക്കുക എന്നുതന്നെയാകില്ലേ തിരു മുടി വിഗ്രവല്‍ക്കരിക്കുന്ന ഈ പള്ളിയിലൂടേ സംഘാടകരുടേ മനസ്സിലിരിപ്പ് ?

ശബരിമല മകര വിളക്ക് തട്ടിപ്പിലൂടെ തന്നെ പണത്തിനുവേണ്ടി നാണം കെട്ട കൂട്ടിക്കൊടുപ്പ് നടത്തുന്ന മലയാളിക്ക് ഉത്തര കേരളത്തില്‍ ഇസ്ലാമിക മത ഭ്രാന്തന്മാരുടെ മുടി തട്ടിപ്പിന്റെ ധാര്‍മ്മിക/സാമൂഹ്യ ദുരിത ഭാരം കൂടി അനുഭവിക്കാം. നമ്മുടെ ഗവണ്മെന്റുകളും, കോടതികളും,മീഡിയയും,സാംസ്ക്കാരിക-രാഷ്ട്രീയ പ്രവര്‍ത്തകരും മതാന്ധകാരത്തിന്റെ പിടിയിലായതിനാല്‍ ഇത്തരം ഭക്തി വ്യവസായങ്ങളും, ഭക്തിയുടേയും വിശ്വാസത്തിന്റേയും പേരിലുള്ള രാഷ്ട്രീയ നീക്കങ്ങളും എന്തൊക്കെ കെടുതികളാണു സമൂഹത്തിലുണ്ടാക്കുക എന്ന് കണ്ടു തന്നെ അറിയണം. പുരോഗമന വാദികളെന്ന് അഭിമാനിക്കുന്ന മന്ദ ബുദ്ധികള്‍ക്ക് ആരാധനാലയങ്ങള്‍ സന്ദര്‍ശിക്കുന്നതും അതിന്റെ പ്രവര്‍ത്തനങ്ങള്‍ നിരീക്ഷിക്കുന്നതും ആരാധനാലയങ്ങളെക്കുറിച്ച് ചിന്തിക്കുന്നതുപോലും നിഷിദ്ധമായതിനാല്‍ (ഒരു തരം കപടമായ അയിത്ത മനോഭാവം) മതനിരപേക്ഷ ജനതയുടേ ശ്രദ്ധയും ജാഗ്രതയും ഇല്ലാത്ത വര്‍ഗ്ഗീയ മടകളാണ് ഇന്ന് എല്ലാ മത വിഭാഗങ്ങളുടേയും ആരാധനാലയങ്ങളും,വിദ്യാഭ്യാസസ്ഥാപനങ്ങളും, മറ്റു ചാരിറ്റബിള്‍ എന്ന മുഖാവരണമിട്ടു പ്രവര്‍ത്തിക്കുന്ന സ്ഥാപനങ്ങളും.

സത്യത്തില്‍ കച്ചവട സ്ഥാപനങ്ങളായി കണക്കാക്കി എല്ലാ പ്രവര്‍ത്തനങ്ങള്‍ക്കും ടാക്സും, ഓഡിറ്റിങ്ങും ഏര്‍പ്പെടുത്തി ജനങ്ങളുടെയും രാജ്യത്തിന്റേയും താല്‍പ്പര്യങ്ങള്‍ സംരക്ഷിച്ച് മാത്രം നടത്തപ്പെടേണ്ടതാണ് എല്ലാ മതക്കാരുടേയും ആത്മീയ കച്ചവട കേന്ദ്രങ്ങള്‍. അതില്ലാതിരുന്നാല്‍ ഇത്തരം സ്ഥാപനങ്ങള്‍ രാജ്യത്തെ എപ്പോഴാണ് അന്യാധീനപ്പെടുത്തുക/അപകടപ്പെടുത്തുക എന്ന് പ്രവചിക്കാന്‍പോലുമാകില്ല. ക്ഷേത്ര പള്ളി സന്ദര്‍ശനത്തിന് സിനിമാടിക്കറ്റ് പോലെ വിനോദ നികുതി/തീര്‍ത്ഥാടക നികുതി ഏര്‍പ്പെടുത്തേണ്ടിയിരിക്കുന്നു. പോലീസ് നിരീക്ഷണവും.

നിലവിലുള്ള വിശ്വാസ സാംസ്ക്കാരികതയില്‍ അപ്രായോഗികമായ  ചിത്രകാരന്റെ ഓരോ ചിന്തകള്‍ !!!
നമുക്ക് തിരു തിരു മുടിയെക്കുറിച്ചും, തിരു തിരു തട്ടിപ്പ് മകരവിളക്കുകളെക്കുറിച്ചും (മനുഷ്യരെ കൊല്ലുന്ന മകരവിളക്ക് !)ഭക്തിഗാന സിഡികളും,സീരിയലുകളും കണ്ടും കേട്ടും വിശ്വാസത്തിന്റെ ആനന്ദ സാഗരത്തിലാറാടാം.... കുപ്പിയും കോഴിയും കൂട്ടുകാരും റെഡി !! അതാണു ബുദ്ധി :)ബ്ലോഗര്‍ ശ്രദ്ധേയന്റെ ഇതുമായി ബന്ധപ്പെട്ട പോസ്റ്റിലേക്കുള്ള ലിങ്ക്: പള്ളിയല്ല ഉസ്താദേ, പള്ളയാണ് പ്രശ്നം! ബ്ലോഗര്‍ മുക്താറിന്റെ പോസ്റ്റിലേക്കുള്ള ലിങ്ക് : കാന്തപുരത്തിന്റെ പള്ളിയും നബിയുടെ മുടിയും!

49 comments:

കൂതറHashimܓ said...

ഈ പറഞ്ഞ ഇത്രേം വലിയ പള്ളി ആര്‍ഭാടം.

മുടി വേസ്റ്റ്...!

ശ്രീക്കുട്ടന്‍ said...

നമുക്ക് പള്ളികളും അമ്പലങ്ങളും മുക്കിനുമുക്കിനു പണിഞ്ഞ് സ്വയം പര്യാപ്തരാവാം.പറ്റുമെങ്കില്‍ ഓരോ വിശ്വാസിക്കും ഓരോ അമ്പലമോ പള്ളിയോ എങ്കിലും ഉണ്ടാക്കേണ്ടതാണു.ആരും അടികൂടാതിരുന്നാല്‍ മതിയായിരുന്നു.

ചിത്രകാരാ ഭാഷയ്ക്ക് നല്ല മൂര്‍ച്ച....

അനില്‍@ബ്ലോഗ് // anil said...

ഒരിടവേളക്ക് ശേഷം നെറ്റിൽ കയറിയപ്പോൾ ആദ്യം തടഞ്ഞ പോസ്റ്റ് !!!!

ഞാൻ ഈ നാട്ടുകാരനല്ല ചിത്രകാരാ....
:)

മുടി വിഗ്രഹമായി കണക്കാക്കാനാവുമോ? അത് ഒരു ശേഷിപ്പ് മാത്രമാണ്. സഖാവ് ലെനിന്റെ ശരീരഭാഗങ്ങൾ ഇപ്പോഴും സൂക്ഷിക്കുന്നതിൽ തെറ്റില്ലെങ്കിൽ ...........

അപ്പൊകലിപ്തോ said...
This comment has been removed by the author.
അപ്പൊകലിപ്തോ said...

പത്തുലക്ഷത്തിലധികം രൂപ ചെലവിട്ട്‌ നിര്‍മ്മിക്കുന്ന പള്ളിയായാലും അമ്പലമായാലും തകര്‍ക്കുകയോ അനുമതി നിഷേധിക്കുകയോ ആണ്‌ അടിയന്തിരമായി ചെയ്യേണ്ടത്‌. !

»¦മുഖ്‌താര്‍¦udarampoyil¦« said...

പൊതുജനങ്ങളെയും വിശ്വാസികളെയും തെറ്റിദ്ധരിപ്പിച്ച് ഭൗതികമായ ലാഭം കൊയ്യാനാണ് ഉസ്താദിന്റെയും അനുയായികളുടെയും പുറപ്പാട്.

ശ്രദ്ധേയന്‍ | shradheyan said...

@ അനില്‍ജി: കേവലമൊരു മുടിയല്ലിത്. 'തിരുകേശ'മാണ്! വിഗ്രഹമാക്കപ്പെടാന്‍ തക്കവിധമുള്ള പേര് കേട്ടാലറിയാം, ഭാവി പൂജാദികള്‍. :)

ഇസ്മായില്‍ കുറുമ്പടി (തണല്‍) said...

പള്ളി ഉയര്‍ന്നുവരട്ടെ.
ഒരുപാട് പേര്‍ക്ക് 'പണികിട്ടും'

(പണവും പ്രകടനപരതയും കൈകൊര്‍ക്കുമ്പോള്‍ ഭക്തി മരിക്കുന്നു)

ഒരു യാത്രികന്‍ said...

@ശ്രീക്കുട്ടന്‍: മാഷേ ചിത്രകാരന്റെ ഭാഷയ്ക് എന്ന മൂര്‍ച്ച ഇല്ലാതിരുന്നിട്ടുള്ളത്??!!

പണ്ടുള്ളവര്‍ പള്ളിയും അമ്പലങ്ങളുമൊക്കെ ഉണ്ടാക്കി കലാലോകത്തിനു വലിയ സംഭാവനകള്‍ നടത്തി. അതുകൊണ്ട് നമ്മള്‍ക് ചുമര്ചിത്രങ്ങളും, "പിയറ്റയും" ലാസ്റ്റ് ജട്ജ്മെന്റ്റ് " ഒക്കെ കിട്ടി. റോമിലും, പലെര്‍മോയ്ലും, സ്പെയിനിലും, ജര്‍മ്മനിയിലും, ഇന്ത്യയിലും ഒക്കേ ഞാന്‍ കണ്ടത് അത്തരം വലിയ സംഭാവനകളാണ്. ഇതും അത് പോലെ വരും തലമുറക്കായി എന്തെങ്കിലും കരുതിവേക്കുമോ.ഹി..ഹി.. .....സസ്നേഹം

കലാം said...

ലോകത്താകെ മൂന്നു പള്ളികളിലെ പ്രവാചകന്റെ മുടിയുള്ളൂ എന്ന്.
മോശം, മോശം.
ബാക്കി മുടിയൊക്കെ എവിടെ പോയി.
അന്വോഷിക്കണം, കണ്ടെത്തണം.
എത്ര കോടികളുടെ വരുമാനമാര്‍ഗ്ഗമാണ് അവ.
നഷ്ടപെടുത്തരുത്.

ഇതുപോലെ സംഘടിപ്പിക്കാന്‍ നമ്മുടെ ഉസ്താദിനെ കഴിഞ്ഞേ മറ്റാരുമുള്ളൂ...

ഗുരുവായൂരിലും ശബരിമലയിലും ഒക്കെ എന്താ വരുമാനം!

അതൊക്കെ കണ്ടു നമ്മള്‍ വെറുതെ ഇരിക്കാന്‍ പാടുണ്ടോ?

ദീപസ്തംഭം മഹാശ്ച്യര്യം!

Akbar said...

ടൂറിസ വ്യവസായം വലിയൊരു വരുമാന മാര്‍ഗ്ഗമാണ്. ഇവിടെ കാന്തപുരവും ലക്ഷ്യമിടുന്നത് അതു തന്നെയാണ്. അജ്മീര്‍, നാഗൂര്‍ തുടങ്ങിയ സ്ഥലങ്ങളിലേക്ക് സിയാറത്തു ടൂര്‍ സങ്കടിപ്പിക്കുന്ന ഇക്കൂട്ടര്‍ നമ്മുടെ നാട്ടിലെ പണം അങ്ങോട്ട്‌ ഒഴുക്കാതെ ഇവിടെത്തന്നെ ഒരു തീര്‍ഥാടന കേന്ദ്രം സ്ഥാപിച്ചാല്‍ ഉണ്ടാകാവുന്ന വരുമാന സാദ്ധ്യതയെ പറ്റി ചിന്തിച്ചതില്‍ അത്ഭുധപ്പെടാനില്ല. വ്യവസായികള്‍ അങ്ങിനെയാണ്. ജാറ വ്യവസായങ്ങള്‍ക്ക് ഇപ്പോള്‍ മാര്‍ക്കറ്റു ഇടിഞ്ഞു തുടങ്ങി. എന്നാല്‍ മുടി ഉള്ള പള്ളി ഹസ്രത്ത്‌ ബാല്‍ കഴിഞ്ഞാല്‍ വേറെ എവിടെയും ഇല്ല. ആ നിലക്ക് ദക്ഷിണേന്ത്യയിലെ ഏറ്റവും വലിയ വരുമാനമുള്ള തീര്‍ഥാടന കേന്ദ്രമാകും ഈ ഗ്രാന്റ് മോസ്ക് എന്ന് ഉറപ്പാണ്. വരുമാനം അതാണല്ലോ എല്ലാം.

Pony Boy said...

പൊതുവേ സെക്യൂലറായി ഭവിക്കുന്ന കേരളത്തിൽ പണം കൊണ്ടുള്ള ഈ കച്ചവടം അപകടമാണ്...

ഒരു പരിധിക്കപ്പുറം പണം ആരാധനാലയങ്ങൾക്ക് മുടക്കാൻ പാടില്ലായെന്ന നിയമം വരണം..എല്ലാം ടാക്സബിളാക്കണം..

ചെലക്കാണ്ട് പോടാ said...

ഒരു കാര്യം എനിക്കറിയണം, ദേവസ്വംബോര്‍ഡ് പോലെ, ഈ പള്ളിക്കും വല്ല ബോര്‍ഡുമുണ്ടാകുമോ?

സര്‍ക്കാര്‍ കാര്യം നടക്കാന്‍ ബിവറേജസ്, ശബരിമല എന്നിവ തന്നെ തികയുന്നില്ല, അപ്പോള്‍ കോഴിക്കോട് പള്ളിയും കൂടി ആയാല്‍ കൊള്ളായിരുന്നു

പള്ളിക്കരയില്‍ said...

മുടി ഉപയോഗിച്ച അഞാനികളായ വിശ്വാസിസമൂഹത്തിന്റെ മടിശ്ശീലയിലാണ് കണ്ണുവെച്ചിരിക്കുന്നതെന്ന് വ്യക്തം.

വെളിച്ചപ്പാട് said...

അന്റതങ്ങ്ട്ട് പൊളിഞ്ഞാലും ബേണ്ടില്ല ഇന്റതങ്ങട്ട് കേറിക്കോട്ടെ...ഹൂ​‍ൂ​‍ൂ​‍ൂ​‍ൂ​‍ൂ​‍ൂയ്

vavvakkavu said...

ഇത്ര അമൂല്യമായ ഈ മുടി അറബി സ്വയം സൂക്ഷിക്കാതെ കാന്തപുരത്തിന്, കാന്തപുരത്തിന് തന്നെ കൊടുക്കുവാന്‍ കാരണമെന്തായിരിക്കാം?

meera said...

ഒരു കൈവെട്ടിനുകൂടി സാധ്യത കാണുന്നുണ്ട്.... ഒന്ന് നോക്കിയും കണ്ടും നടന്നേക്കണേ!

മുരളീമുകുന്ദൻ ബിലാത്തിപട്ടണം BILATTHIPATTANAM. said...

ചിത്രകാരന്റെ ബ്ലോഗ്ഗിന്റെ രൂപമാറ്റങ്ങൾ കലക്കി...ഒപ്പം ഈ മുടിയേറ് അതിലും കലക്കി..കേട്ടൊ

Sreejith kondottY/ ശ്രീജിത് കൊണ്ടോട്ടി said...

ഇന്ന് ഏറ്റവും കൂടുതല്‍ പണം ചെലവിടുന്നത് ദൈവങ്ങള്‍ക്ക് വേണ്ടിയാണ്.ജനലക്ഷങ്ങള്‍ പട്ടിണി കിടന്നു മരിക്കുന്ന നാട്ടില്‍ ഇതെല്ലം ആര്‍ഭാടം അല്ലെ..!
ഈ വിഷയത്തില്‍ ഇവിടെയും ഒരു പോസ്റ്റ്‌ ഉണ്ട്.

chithrakaran:ചിത്രകാരന്‍ said...

മീര,
ചിത്രകാരന്റെ സുരക്ഷക്കായി നല്‍കിയ ഉപദേശത്തിനു കടപ്പെട്ടിരിക്കുന്നു :) സകലരോടും ഇങ്ങനെ പറയണേ... കൂടാതെ, ബ്ലോഗിലൊക്കെ കേറി
കമന്റെഴുതുന്നതുപോലും ശ്രദ്ധിക്കണം.ചിത്രകാരന്റെ കൂട്ടാണെന്ന് തെറ്റിദ്ധരിച്ച് വല്ല മത ഭീകരരും കൈവെട്ടിയാല്‍
പിന്നെ നെറ്റില്‍ കേറാനൊക്കെ വിഷമമാകില്ലേ :)

chithrakaran:ചിത്രകാരന്‍ said...

ശ്രീജിത്ത് കൊണ്ടോട്ടിയുടെ ഒരു കമന്റ് മൈലില്‍ വന്നിരിക്കുന്നു. പക്ഷേ കമന്റുകള്‍ക്കിടയില്‍ കാണുന്നുമില്ല. അത് താഴെ ചേര്‍ക്കുന്നു.

Sreejith kondottY/ ശ്രീജിത് കൊണ്ടോട്ടി has left a new comment on your post "മുടി പ്രതിഷ്ഠിക്കാന്‍ കോഴിക്കോട് ഏറ്റവും വലിയ പള്ള...":



ഇന്ന് ഏറ്റവും കൂടുതല്‍ പണം ചെലവിടുന്നത് ദൈവങ്ങള്‍ക്ക് വേണ്ടിയാണ്.ജനലക്ഷങ്ങള്‍ പട്ടിണി കിടന്നു മരിക്കുന്ന നാട്ടില്‍ ഇതെല്ലം ആര്‍ഭാടം അല്ലെ..!
ഈ വിഷയത്തില്‍ ഇവിടെയും ഒരു പോസ്റ്റ്‌ ഉണ്ട്.








Posted by Sreejith kondottY/ ശ്രീജിത് കൊണ്ടോട്ടി to chithrakaran:ചിത്രകാരന്‍ at February 11, 2011 1:43 AM

Subair said...

ചിത്രകാരന്‍റെ മുസ്ലിം വിരുദ്ധ വൈകാരികതയോട് എനിക്ക് യോചിപ്പില്ല എങ്കിലും ഈ പോസ്റ്റിനോട് പൊതുവേ യോചിക്കുന്നു. (കൂടുതല്‍ വലിയ പള്ളി ഉണ്ടാക്കിയാല്‍ കൂടുതല്‍ "ജിഹാദികള്‍" ഒത്തുകൂടി കൂടുത്തല്‍ കുഴപ്പങ്ങള്‍ ഉണ്ടാക്കും എന്നുള്ളതെല്ലാം, മുസ്ലിംകളെ ക്കുറിച്ച് പൊതു സമൂഹത്തിലുള്ള വാര്‍പ്പുമാതൃകള്‍പ്പറം അവരെ അറിയാന്‍ ശ്രമിക്കാഞ്ഞിട്ടുള്ള പ്രശനം ആണ് കരുതി വിടുന്നു)

മുസ്ലിം സമൂഹത്തില്‍ ഒരു പാഫ്ട് നീറുന്ന പ്രശ്നങ്ങള്‍ ഉള്ളപ്പോള്‍ ഒരു ആരാധാനാലായത്തിനു വേണ്ടി പണം ധൂര്‍ടിക്കുന്നത് ഒരു കുറ്റകൃത്യമാണ്, പ്രവാചകന്‍റെ മുടിയെ പൂജുക്കുന്നത് അതീവ ഗുരുതരമായ പാപവും.

മതത്തെ വാണിജ്യ വാത്കരിക്കുന്ന ഇത്തരം പുരിഹിതന്മാരെ ഒറ്റപ്പെടുത്തേണ്ട കാലം അതിക്രമിച്ചിരിക്കുന്നു.

Ajith said...

Spiritual business needs to opposed no doubt, we should not forget this point also

"
വാസ്തവത്തില്‍ യാഥാസ്തിതികരെന്നു വിശേഷിപ്പിക്കുന്നവരാണ് പുരോഗമനവാദികളെന്നു സ്വയം വിശേഷിപ്പിക്കുന്ന ഇക്കൂടരെക്കാള്‍ വലിയ പുരോഗമനവാദികള്‍."

SMASH said...

കോഴിക്കോട്ടെ ആ പ്രദേശങ്ങളില്‍ ഈ പള്ളി വരുന്നത് വഴി "ഗള്‍ഫ്‌ മാതൃക"യില്‍ ഇന്‍ഫ്രാസ്ട്രക്ച്ചറിലും മറ്റു അനുബന്ധ സൌകര്യങ്ങളിലും അല്പം മാറ്റം വരും എന്ന് തോന്നുന്നു. ശബരിമല, ഹരിദ്വാര്‍, പോലുള്ള അതിഭാക്തി മൂത്ത സ്ഥലങ്ങളിലെയും മറ്റും പോലെ നിലവാരം വര്‍ധിപ്പിക്കാന്‍ ആധുനിക സംവിധാനങ്ങള്‍ വരുന്ന കാര്യത്തില്‍ പോലും എപ്പോഴും പ്രശ്നവും താന്ത്രികവും നോക്കി അതൊന്നും അനുവദിക്കാതെ ചീഞ്ഞളിഞ്ഞ പരിസരങ്ങളില്‍ ഭക്തി ആഭാസം നടത്തി "ആര്‍ഷഭാരത"ത്തില്‍ ജീവിക്കുന്നവരെ പോലെ ആവില്ല കാന്തപുരം പാര്‍ട്ടീസ് എന്ന് വിചാരിക്കുന്നു.

Ranjith said...
This comment has been removed by the author.
ധിക്കാരി said...

@സ്മാഷ് ...ചീഞ്ഞളിഞ്ഞ പരിസരങ്ങളില്‍ ഭക്തി ആഭാസം... കൊള്ളാം .......
സഖാവിനു ഇതുവരെയും കാര്യങ്ങള്‍ എന്താണെന്നു മനസ്സിലായെട്ടില്ല അല്ലെ ......ആര്ഷഭാരതത്തെ കുറ്റം പറയുന്ന നേരം ശബരിമല ഭരിക്കുന്ന സര്‍ക്കാരിനെ തെറിപരയണം,.... അല്ലാതെ അവിടെ വരുന്നവരെ അല്ല...... 5 കൊല്ലം കുടുംബോ, തലയില്‍ മുണ്ടിട്ടു അമ്പലത്തില്‍ പോകുന്ന കമ്മ്യൂണിസ്റ്റ്‌ സഖാക്കളും,മുണ്ടിടാതെ പോകുന്ന കോണ്‍ഗ്രസ്‌ കാരും വീടിന്റെ പടിക്കല്‍ വരില്ലേ അപ്പൊ പറഞ്ഞാ മതി....വെറുതെ എന്തിനു ഭക്തന്മാരുടെ മെക്കട്ട് കേറണം.............അനിയാ സബരിമലേല്‍ കോടിക്കണക്കിനു പൈസ ഇടാന്‍ അയ്യപ്പന്‍ പറഞ്ഞിട്ടൊന്നും ഇല്ല കേട്ടോ .......

Ranjith said...
This comment has been removed by the author.
Chethukaran Vasu said...

"(കൊള്ളക്കാരന്‍‍,പിടിച്ചുപറിക്കാരന്‍‍,പശു-പെണ്ണ് മോഷ്ടാവ് എന്നിവയുടെ പഴയകാല പര്യായമാണ് രാജാവ് ) "

അത് തന്നെ ചിത്രകാരന്‍ .. അത് കൊണ്ട് തന്നെയാണ് ഭൂതകാലത്തെ ഓര്‍ത്തു നെടുവീര്‍പ്പിട്ടു രാഷ്ട്രീയത്തില്‍ കയറി മാടമ്പി ചമയാന്‍ ചിലര്‍ ഇപ്പോഴും ശ്രമിക്കുന്നത്

Chethukaran Vasu said...
This comment has been removed by the author.
Chethukaran Vasu said...

തെറ്റു പറയാന്‍ പറ്റില്ല. പ്രകടിപ്പിക്കാന്‍ ഉള്ളതല്ലേ വിശ്വാസം ..? ഭൌതികതയില്‍ അല്ലെ ആത്മീയത കുടി കൊള്ളുന്നത്‌ ..?കൂടുതല്‍ തീര്‍ഥാടകര്‍ ഉണ്ടാകട്ടെ ..നാട്ടില്‍ തൊഴിലവസരങ്ങള്‍ വര്‍ദ്ധിക്കട്ടെ .. അറബ് രാജ്യങ്ങളില്‍ നിന്ന് പോലും തീര്‍ഥാടകര്‍ വരാന്‍ സാധ്യത ഉള്ള നിലക്ക് ഇത് മുന്‍ കൂട്ടി കണ്ട് നാട്ടുകാരെ അറബി പഠിപ്പിക്കാന്‍ സര്‍ക്കാര്‍ മുന്‍കൈ എടുക്കണം

SMASH said...

ധിക്കാരി.

ഉത്തരേന്ത്യന്‍ തീര്‍ഥാടനകേന്ദ്രങ്ങള്‍ ഒന്നും ഇതില്‍ നിന്നും വിഭിന്നമല്ല. കേരളത്തില്‍ ദേവസ്വം നടത്താതിരിക്കുന്ന ഹൈടെക്ക് ഇന്‍ഫ്രാസ്ട്രക്ചര്‍ ഡവലപ്മെന്റ്സ് ഒന്നും അവിടെയും ഇല്ല.
കാന്തപുരം(മറ്റെല്ലാ മാത മേലാളന്മാരും) എല്ലാ കാര്യങ്ങളിലും പിന്തിരിപ്പന്‍ മാതൃക പിന്തുടരുന്നുണ്ടെങ്കിലും, പള്ളിപണിയുടെ കാര്യത്തില്‍ ഹൈന്ദവ ആചാര്യന്മാരെ പോലെ ആധുനികതയോടുള്ള ഫോബിയ പ്രകടിപ്പിക്കുന്നില്ല. വിശ്വാസത്തിന്റെ ഭാഗമാണെങ്കിലും അല്ലെങ്കിലും അത്തരം പാരമ്പര്യ ഉടായിപ്പുകള്‍ വൃത്തികേടുകള്‍ തന്നെ.

Sabu M H said...

മുടി, പല്ല്, എല്ല്, നഖം..
ഒന്നും കളയരുത്‌..

എപ്പഴാ ആവശ്യം വരുന്നതെന്ന് പറയാൻ പറ്റത്തില്ല..

Abdul Rasheed said...

ഉസ്താദിന്റെ ഈ മഹത്തായ സംരംബതിനു താങ്കള്‍ നല്‍കിയ പരസ്യത്തിനു വളരെയദികം നന്ദി

പത്രക്കാരന്‍ said...

ഇസ്ലാമിക വിശ്വാസങ്ങളില്‍ ഉള്ള വളരെ ചെറിയ അറിവ് മാത്രം വച്ച് പത്രക്കാരന്‍ ഒന്നേ പറയുന്നുള്ളൂ, ഇദൊന്നും പടച്ചോന്‍ പൊറുക്കൂല മക്കളെ . .
.

റീനി said...

മതം മനുഷ്യനെ അന്ധനാക്കുക മാത്രമല്ല തലച്ചോറിനെ ദ്രവിപ്പിക്കുകയും ചെയ്യുന്നു. ചിത്രകാരന്‍ ഒരിക്കല്‍ എഴുതിയതുപോലെ (40 കോടി രുപകൊണ്ട്) എത്ര പേര്‍ക്ക് ആര്‍ഭാടമായി വീടുവെച്ച് കൊടുക്കാമായിരുന്നു!

പോരാളി said...

ചിത്രകാരാ തലേക്കെട്ട് ഇങ്ങനെ ആക്കാമായിരുന്നു
" മൈരു പ്രതിഷ്ടിക്കാന്‍ കോഴിക്കോട് ഏറ്റവും വലിയ പള്ളി പണിയുന്നു !"

Ashik said...

നമുക്ക് അറിയാത്ത കരിയതിന്റെ ശത്രു ആയിരിക്കും നാം ....
കന്തപുഅര്തിന്ടെ അനുയയികലെക്കള്‍ നിങ്ങള്ക്ക് കന്തപുരതിനെ അറിയില്ലല്ലോ?
പള്ളിയില്‍ പോവുന്നവരെക്കാള്‍ പള്ളിയെ പോവാത്തവര്‍ ക്കറിയില്ലല്ലോ ...
നബി(സ)സ്നേഹിക്കുന്നവരെക്കാള്‍ നബിയെ നിങ്ങള്‍ക്കരിയില്ലല്ലോ ,
അനര്‍വച്ച്നിയമായ സ്നേഹത്തിന്റെ പ്രവര്‍ത്തികളെ യുക്തിയുട അളവുകോല്‍ വ്ച്ചലക്കല്ലേ ....പ്ലിസ് ....

ജയകൃഷ്ണന്‍ കാവാലം said...

ചിത്രകാരാ, ബ്ലോഗിന്റെ പുതിയ കെട്ടും മട്ടും കളറും നന്നായി. പുതിയ പോസ്റ്റും... ദൈവത്തിന്റെ സ്വന്തം നാടെന്നല്ലേ പറയുന്നത്, അപ്പോൾ പിന്നെ മുക്കിനു മുക്കിനു അമ്പലങ്ങളും, പള്ളികളും,ചെറികിട മന്ത്രവാദ തരികിടകളുമൊക്കെയായി സംര്^ദ്ധമായില്ലെങ്കിൽ എങ്ങനെയാ? ഈ കാണുന്ന ദൈവങ്ങളെ എല്ലാം കൂടി ഒരു കൊച്ചു കെട്ടിടത്തിൽ താമസിപ്പിക്കണമെന്നാണോ പറയുന്നത്? കഴിയുമെങ്കിൽ ഒരു ലോഡ്ജ് തന്നെ പണിയാം. ഓരോ മുറിയിലും ഓരോ ദൈവങ്ങൾ. ടിക്കറ്റ് വച്ചു ദർശനം.

യാത്രികന്‍ said...

ഇതില്‍ ഏറ്റവും അധികം രോഷം കൊല്ലേണ്ടത് സൗദി അറേബ്യക്കാരാണെന്ന് എനിക്ക് തോന്നുന്നു. ഹജ് ന്റെ പേരില്‍ അവര്‍ എത്ര പൈസ ആണ് ഇപ്പോള്‍ ഉണ്ടാക്കുന്നത്? South -East ഏഷ്യ യിലെ ഏറ്റവും വലിയ ഒരു തീര്‍ത്ഥാടന കേന്ദ്രം ആയി ഈ പള്ളി വളരട്ടെ എന്ന് ഞാന്‍ ആശംസിക്കുന്നു. അങ്ങിനെ ഈ സ്ഥാപനം വളര്‍ന്നാല്‍ അതിനെ ചുറ്റിപ്പറ്റി എത്ര എത്ര അനുബന്ധ സ്ഥാപനങ്ങള്‍ വരാനുള്ള സാധ്യത ഉണ്ട് . ആ മാതിരി സ്ഥാപനങ്ങള്‍ വഴി എത്ര എത്ര മലയാളികള്‍ക്ക് ജോലി കിട്ടും? സര്‍ക്കാരിനു എത്ര നികുതി പ്പണം കിട്ടും?

അങ്ങിനെ മൊത്തത്തില്‍ നോക്കുമ്പോള്‍ ഈ സ്ഥാപനം കൊണ്ട് നഷ്ടം ഇപ്പോള്‍ ഇസ്ലാം മതം വിറ്റു കാശു വാരുന്ന സൗദി അറേബ്യ ക്കാരനും, ലാഭം നമ്മള്‍ ഇന്ത്യാക്കാരനും.

പ്രചാരകന്‍ said...

ചിത്രകാരന്റെ പോസ്റ്റ് വായിച്ചു. ശ്രീ അനിൽ@ബ്ലോഗ് എന്ന സഹോദരന്റെ ഒരു കമന്റ് ഈ കോലാഹലങ്ങൾക്കെല്ലാം മറുപടിയാണ്.



ഈ വിഷയത്തിൽ അഥവാ പ്രവാചകന്മാരുടെ ,മഹാന്മാരുടെ തിരുശേഷിപ്പുകളിൽ നിന്ന്
ബർക്കത്തെടുക്കുന്നതിനെപറ്റി ഇസ്ലമിക അധ്യാപനം

പോസ്റ്റ്
ഇവിടെ ക്ലിക് ചെയ്ത് വായിക്കാം

അറിയാന് ആഗ്രഹിക്കുന്നവര്ക്ക് വേണ്ടി മർകസിലെ തിരു കേശ കൈമാറ്റ ചടങ്ങുകളുടെ വീഡിയോ ഇവിടെ ചേര്ക്കുന്നു. സനദ്, കൈമാറ്റ ചടങ്ങുകള്, കാന്തപുരത്തിന്റെ ഒപ്പ് വെക്കല്, നന്ദി പ്രസംഗം എല്ലാം ഇതില് അടങ്ങിയിരിക്കുന്നു.

click here


ഇവിടെയും കാണാം


നബി (സ)തങ്ങളുമായി ബന്ധപ്പെട്ട തിരുശേഷിപ്പുകൾ ഇമാം ഹുസൈൻ മസ്ജിദിൽ
തിരുകേശത്തിന്റെ പ്രത്യേകതയെ പറ്റി വിവരിക്കുന്നു

Rare belong to Rasoolullah in Masjid Imam Hussain click here



അബുദാബിയിൽ ശൈഖ് ഖസ്റജിന്റെ വീട്ടിൽ ഈ വർഷം (2011) റബിഉൽ അവ്വൽ പന്ത്രണ്ടാ‍ം രാവിനു നടന്ന മൌലിദ് സദസ്സ്
click here

കൂട്ടിവായിക്കാൻ തിരുകേശം


It is said in the same volume of the same book, “Khalid bin Waleed asked Abu Talhah to give him from the hair of the Prophet (صلى الله عليه و سلم) when the Prophet (صلى الله عليه و سلم) distributed his hair among the Sahaba. And he asked to give him from the front side of the head. And Abu Talhah gave him from the front side. And that is the reason he was always in the front.”

Unfortunately there are some wicked people who are bit vary on paying esteem to belongings of Rasoolullah (صلى الله عليه و سلم). Though they boast themselves as ideologists or purists their stance is clear. They unplug their evil tongue and pen to disrespect Allah’s prime creation Rasoolullah (صلى الله عليه و سلم).

Real believers who love Rasoolullah (صلى الله عليه و سلم) know that there were similar bands even during His time called hypocrites. So their love and respect to anything related to Rasoolullah (صلى الله عليه و سلم) will not fade by effect of ugly interference of these people, rather it will amplify further and farther.

പോസ്റ്റ് വായിച്ച് അത് “തിരിയുന്ന ഭാഷയിലാക്കാൻ പറയരുത്.. പക്ഷെ സത്യം മനസിലാക്കാൻ താത്പര്യമുള്ളവർ ഈ പോസ്റ്റ് വായിക്കാതെ ഒഴിവാക്കരുത്

Read the post a precious collection –Sacred Hair of Rasoolullah(sa) Click here to read


നല്ലത് പ്രവർത്തിക്കാനും നല്ലത് പ്രചരിപ്പിക്കാനും കഴിയട്ടെ..എന്ന പ്രാർത്ഥനയോടെ

FaRtHaWi WiTh u said...

sathyam manassilakkuka ner margham sidhikkuu......

FaRtHaWi WiTh u said...

kanthapuram virodham pravachaka nindayavathirikkatte.

ajith said...
This comment has been removed by the author.
ശശി said...

കാന്തപുര കാന്തപുരത്തി

anu said...

hahaaaa,ithilum valuthu naam pratheekshikkendiyirikkunnu.athmeeya vyavasayathinu pattiya mannanu keralam.keralathile athmeeya vyavasayathinte mothakkachavadakkaranu markasum,panakkadum.pinne meera paranjathu pole oru kayvettinu sadyathayundu,onnu shraddichekkaneee.

faiz said...

പ്രവാചകന്മാരുടെ മുടിയും വിയര്‍പ്പും അവര്‍ ഉപയോഗിച്ച മറ്റു

വസ്തുക്കളുടെയും
മഹത്വം അറിയണം എങ്കില്‍ ആദ്യം ഇസ്ലാമിനെ പഠിക്കണം. നബിയുടെ

വിയര്‍പ്പു
കുപ്പിയില്‍ ശേഖരിച്ചു അത് സുഗന്ധമായും കുട്ടികളുടെ രോഗ ശമനത്തിനും

മറ്റും
ഉപയോഗിച്ച ചരിത്രം നമുക്കറിയാം. ഖാലിദ് ബിനു വലീദ് (റ) യുദ്ധ സമയത്ത്

നബി (സ)
തങ്ങളുടെ മുടി തുന്നി പിടിപ്പിച്ച തൊപ്പി കാണാതായപ്പോള്‍ മറ്റെല്ലാ

കാര്യങ്ങളും
മറന്നു ആ തോപ്പിക്കായി അന്വേഷണം നടത്തിയ സംഭവം നമുക്കറിയാം.

നബിയുടെ കാല ശേഷം
നബിയുടെ ജുബ്ബ പോലും അവിടത്തെ ഭാര്യമാര്‍ സൂക്ഷിക്കുകയും അവരുടെ

കാല ശേഷം പിന്‍
തലമുറക്കാര്‍ പോലും അവ ബഹുമാനത്തോടെ സൂക്ഷിക്കുകയും അത് മുക്കിയ

വെള്ളം
ബരകതിനും രോഗ ശമനത്തിനും ഉപയോഗിച്ചതും നമുക്ക് അറിയാം. ഇതൊക്കെ

സ്വന്തം
മനസ്സിന് അംഗീകരിക്കാന്‍ കഴിയണം എങ്കില്‍ ആദ്യം ഈമാന്‍ എന്ന ഒന്ന്

മനസ്സില്‍
ഉണ്ടാകണം . ഇസ്ലാം എന്താണെന്ന് പഠിക്കണം. ഹദീസുകളും ഇസ്ലാമിക

ചരിത്രവും
പഠിക്കണം. ഇവ ഒന്നും ഇല്ലാതെ ചെളി കെട്ടിയ തങ്ങളുടെ സ്വന്തം മനസ്സ്

കൊണ്ട്
ഇസ്ലാമിനെ അളക്കാന്‍ നിന്നാല്‍ ഇത് പോലെയുള്ള പൊട്ടത്തരങ്ങള്‍ പറയുകയും
എഴുതുകയും ചെയ്യുക സ്വാഭാവികം. റബ് ഇത് പോലോത്ത വിഡ്ഢികളുടെ

ശര്റില്‍ നിന്നും
നമ്മെയും കുടുംബത്തെയും കാത്തു രക്ഷിക്കട്ടെ.....ആമീന്‍.

Manojmanomia said...
This comment has been removed by the author.
Manojmanomia said...

ആത്മീയ കച്ചവടമാണ് ഇന്ന് ഏറ്റവും നല്ല വരുമാനമുള്ള മേഖല എന്ന് എല്ലാവരും തിരിച്ചറിഞ്ഞു തുടങ്ങിയിരിക്കുന്നു.ശബരിമലയില്‍ മകര ജ്യോതി ആകാമെങ്കില്‍ കോഴിക്കോട്ടൊരു "തിരുമുടിയും" ആകാമല്ലോ!ഇനിയിപ്പോ ക്രിസ്തു ദേവന്റെ വല്ല ശേഷിപ്പുമായി ക്രിസ്ത്യാനികളും രംഗത്ത് വരും! ... എന്തൊരു മനുഷ്യരൂപങ്ങള്‍!

ശങ്കരനാരായണന്‍ മലപ്പുറം said...

ഒ.അബ്ദുള്ള 'പച്ചക്കുതിര' മാസികയില്‍ എഴുതിയ ഒരു ലേഖനത്തില്‍ ഈ മുടി, 'മുറ്റത്തുമുട്ടുന്ന മുടി അഴിച്ചിട്ടു നീ' എന്ന വയലാര്‍ കവിതയിലെ സുന്ദരിയുടെ മുടിയാണോ എന്നു ചോദിച്ചിരുന്നു!

Translate

Followers