Monday, July 2, 2007

"പ്രതിസന്ധി"



ചിത്രകാരന്‍ പൊന്മുടിയില്‍ വച്ച്‌ വ്യക്തിപരമായി അനുഭവിച്ച ഒരു പ്രതിസന്ധിയെത്തന്നെ വിഷയമാക്കി,
പ്രതിസന്ധി മറികടന്ന ചിത്രമാണിത്‌.
പൊന്മുടിയില്‍1990 നവംബര്‍ 18 മുതല്‍ 27വരെ നടന്ന നാഷണല്‍ ആര്‍ട്ടിസ്റ്റ്‌ ക്യംബില്‍ കേരള ലളിതകല അക്കാദമിയുടെ ക്ഷണപ്രകാരം ചിത്രകാരനും പങ്കെടുത്തിരുന്നു.
ഇന്ത്യയിലെ പ്രശസ്ത ചിത്രകാരന്മാരായ പത്മശ്രീ ഭുപന്‍ ഖക്കര്‍,മനു പരേഖ്‌, സുധീര്‍ പട്‌വര്‍ധന്‍, ആര്‍. ബി. ഭാസ്ക്കര്‍,എസ്‌. ജി. വാസുദേവ്‌ എന്നീ കുലപതികളോടൊപ്പം കെരളത്തിലെ പത്തോളം യുവ ചിത്രകാരന്മാരും പങ്കെടുത്ത ക്യാംബായിരുന്നു അത്‌.
അതുകൊണ്ടുതന്നെ പലര്‍ക്കും ശൂന്യമായ ക്യാന്‍വാസ്‌റ്റെന്‍ഷനുണ്ടാക്കുന്ന ഒരു വെല്ലുവിളിയായി അനുഭവപ്പെട്ടു. സ്വന്തം തലയിലെ ആള്‍ത്താമസം നാലാള്‍ അറിയുകയും വിലയിരുത്തുകയും ചെയ്യുമല്ലൊ...
ഒന്നുരണ്ടു ദിവസം പ്രകൃതി ദൃശ്യങ്ങള്‍ ആസ്വദിച്ചും, സര്‍ക്കാരിന്റെ ഭക്ഷണത്തിന്റെ ഗുണദോഷങ്ങള്‍ വിശകലനം ചെയ്തും കഴിച്ചുകൂട്ടി.
ലളിതകലാ അക്കാദമി സെക്രട്ടരി എന്റെ സൌന്ദര്യശാസ്ത്ര അദ്ധ്യാപകന്‍കൂടിയായ എ. അജയകുമാര്‍ സാറാണ്‌( ഇപ്പോഴത്തെ ഫൈന്‍ ആര്‍ട്സ്‌ കോളെജ്‌ പ്രിന്‍സിപ്പാള്‍). കക്ഷിയും, ചെയര്‍മാന്‍ നംബൂതിരിയും വരതുടങ്ങിയപ്പോള്‍ പിന്നെ രക്ഷയില്ലാതായി.
ഞാന്‍ എന്റെ പ്രതിസന്ധിയെത്തന്നെ ക്യാന്‍വാസ്‌ലാക്കി.
ചൂടിപ്പായവിരിച്ച സര്‍ക്കാര്‍ അതിഥിമന്ദിരത്തിന്റെ കോണ്‍ഫറന്‍സ്‌ ഹളിന്റെ തറയും, പൊന്മുടിയുടെ സൌന്ദര്യത്തിനു മറയിടാതെ സുതാര്യമായി നില്‍ക്കുന്ന ഗ്ലാസ്സ്‌ ചുവരുകളും, പിങ്കു നിറമുള്ള സീലിങ്ങും നല്ലൊരു കാഴ്ച്ചസുഖം നല്‍കിയപ്പോള്‍ ഞാന്‍ എന്റെ നിസ്സഹായാവസ്ഥയെ സത്യസന്ധമായി സ്വയം പരിഹസിച്ചുകൊണ്ട്‌ വരച്ച ചിത്രമാണിത്‌.
ഈ ക്യാംബില്‍ രണ്ടു ചിത്രങ്ങള്‍ വരച്ചു.
ഒരു ചിത്രകാരനെന്ന നിലയില്‍ എന്തും വരക്കാന്‍ ദൈര്യമുണ്ടാക്കിത്തന്ന പൊന്മുടി നാഷണല്‍ ആര്‍ട്ടിസ്റ്റ്‌ ക്യാംബിനെ ഞാന്‍ നന്ദിയോടെ സ്മരിക്കുന്നു.
എന്നെ കേരളത്തിന്റെ യുവചിത്രകാരനായി ഉയര്‍ത്തിയ ശ്രീ എ. അജയകുമാര്‍ സാറിനോടും ഞാന്‍ കടപ്പെട്ടിരിക്കുന്നു.

10 comments:

ചിത്രകാരന്‍chithrakaran said...

ചിത്രകാരന്‍ പൊന്മുടിയില്‍ വച്ച്‌ വ്യക്തിപരമായി അനുഭവിച്ച ഒരു പ്രതിസന്ധിയെത്തന്നെ വിഷയമാക്കി,
പ്രതിസന്ധി മറികടന്ന ചിത്രമാണിത്‌.
പൊന്മുടിയില്‍1990 നവംബര്‍ 18 മുതല്‍ 27വരെ നടന്ന നാഷണല്‍ ആര്‍ട്ടിസ്റ്റ്‌ ക്യംബില്‍ കേരള ലളിതകല അക്കാദമിയുടെ ക്ഷണപ്രകാരം ചിത്രകാരനും പങ്കെടുത്തിരുന്നു.
ഇന്ത്യയിലെ പ്രശസ്ത ചിത്രകാരന്മാരായ പത്മശ്രീ ഭുപന്‍ ഖക്കര്‍,മനു പരേഖ്‌, സുധീര്‍ പട്‌വര്‍ധന്‍, ആര്‍. ബി. ഭാസ്ക്കര്‍,എസ്‌. ജി. വാസുദേവ്‌ എന്നീ കുലപതികളോടൊപ്പം കെരളത്തിലെ പത്തോളം യുവ ചിത്രകാരന്മാരും പങ്കെടുത്ത ക്യാംബായിരുന്നു അത്‌.

sreeni sreedharan said...

(ഓഫ് ടോപിക്)ലേബല് ഇടുമ്പോ ഓരോ വാക്കും കോമ , ഉപയോഗിച്ച് വേര്‍തിരിച്ചിടണം.

ചിത്രകാരന്‍chithrakaran said...

പ്രിയ പാച്ചാളം,
എനിക്ക്‌ അറിയില്ലായിരുന്നു. പറഞ്ഞു തന്നതില്‍ സന്തോഷം, നന്ദി.

ദില്‍ബാസുരന്‍ said...

ചിത്രവും അതിന്റെ പിന്നിലെ കഥയും രസകരമായിരിക്കുന്നു. നന്നായിട്ടുണ്ട്.

ചിത്രകാരന്‍chithrakaran said...

കണ്ടതില്‍ സന്തോഷം ദില്‍ബാസുരന്‍. നന്ദി.

Dinkan-ഡിങ്കന്‍ said...

സൃഷ്ടിയില്ലായ്മയെ സൃഷ്ടിയാക്കിമാറ്റിയ ചിത്രകാരാ ഇത് നന്നായി?

ചക്കര said...

:)

രാജു ഇരിങ്ങല്‍ said...

ചിത്രകാരാ‍ാ..,
കുറച്ചു ദിവസത്തിലധികമായി ഈ ബൂലോകത്തിലേക്ക് കടന്നുവന്നിട്ട്.
ചിത്രകാരന്‍ ക്യാമ്പില്‍ സ്വയം പരിഹസിച്ചു വരച്ച ചിത്രം എന്നു പറഞ്ഞപ്പോള്‍ ഞാനും അതേ പ്രതിസന്ധിയിലാണ്.

ബൂലോകത്ത് എഴുതാന്‍ ഒന്നും ഇല്ലാതെ ഒഴിഞ്ഞുകിടക്കുന്ന മനസ്സാണ് ഇപ്പോള്‍.
സ്നേഹത്തോടെ
ഇരിങ്ങല്‍

Tirana Tirani said...

hi there. great paintings!

u have such a nice blog and a promising one. why dont you join Google Adsense and get some extra money.

go to my blog, click the adsense banner, then sign up. its free =D

http://anime-drama.blogspot.com

thanks

or else, join agloco community
http://agloco-network.blogspot.com

ബിന്ദു said...

പ്രതിസന്ധി.. നല്ല ആശയവും, നല്ല ചിത്രവും. :)

Followers