Friday, August 14, 2009

മനുഷ്യപക്ഷ ശ്രദ്ധക്ക് !!

സ്ത്രീകളെ മാത്രമല്ല, ശത്രുവിനെപ്പോലും പ്രീണനത്തിലൂടെയാണ് കീഴടക്കേണ്ടതെന്ന് നിലവാരം കുറഞ്ഞ കച്ചവട സംസ്ക്കാരം നമ്മെ പഠിപ്പിക്കുന്നു. ഈ പ്രീണന വിദ്യ നമ്മുടെ സമൂഹത്തിന്റെ ശക്തി തന്നെ ചോര്‍ത്തിക്കളഞ്ഞ അവസ്ഥയാണിന്നുള്ളത്.
സ്ത്രീയെ പ്രീണിപ്പിച്ചും, പ്രോത്സാഹിപ്പിച്ചും അനായാസം നിയന്ത്രിക്കാം എന്നത് ശരിയാണ്. പ്രീണനത്തിലൂടെ സ്ത്രീയില്‍ തന്ത്രപരമായ വിജയം നേടാം എന്നത് ആര്ത്മാര്‍ത്ഥതയോ,സത്യസന്ധതയോ ഇല്ലാത്ത കാപട്യമായെ ചിത്രകാരനു തോന്നിയിട്ടുള്ളു. പ്രീണനം ശീലിച്ചവര്‍ക്ക് പ്രീണനത്തെ മാത്രമേ സ്നേഹമായി ഉള്‍ക്കോള്ളാനാകു എന്നൊരു പ്രത്യേകതയുമുണ്ട്. പ്രീണനത്തിന് താഴ്ച്ചകള്‍ അനുവദിനീയമല്ലാത്തതിനാല്‍ വീഴ്ച്ചകളുടെ സാധ്യത വളരെ കൂടുതലാണ്. നമ്മുടെ സമൂഹം പൊങ്ങച്ചത്തില്‍ കൂടുതല്‍ അഭിരമിക്കുന്നത് ഈ പ്രീണന വിദ്യയുടെ ഉള്ളടക്കം പൊള്ളയായതുകൊണ്ടായിരിക്കണം.
സ്ത്രീപുരുഷ സമത്വത്തില്‍ അധിഷ്ടിതമല്ലാത്ത പഴഞ്ചനായ കുടുംബ സങ്കല്‍പ്പ പ്രകാരം എഴുതിയ പോസ്റ്റെന്ന പേരില്‍
ഒരു ഡോക്റ്ററുടെ ബ്ലോഗ് കുറിപ്പിനെക്കുറിച്ച് രാജീവ് ചേലനാട്ടിന്റെ ബ്ലോഗില്‍ ചര്‍ച്ച നടക്കുന്നു.
സ്ത്രീകളിലെ സ്ത്രൈണത വറ്റുന്നത് നമ്മുടെ സമൂഹത്തിന്റെ ശാപമായി തീര്‍ന്നിരിക്കുന്ന സാഹചര്യത്തില്‍ ഡൊക്റ്റര്‍ എഴുതിയ കാഴ്ച്ചപ്പാട് കുടുബത്തിലെ പുരുഷന്‍ മാത്രം ജോലിക്കുപോകുന്ന കുടുംബ വ്യവസ്ഥിതിപ്രകാരം ശരിയാണെന്നൊരു കമന്റിട്ട് സ്ത്രീപക്ഷ ചിന്തയുള്ള സകല ബ്ലോഗര്‍മാരുടേയും ശാപം ചിത്രകാരന്‍ ഏറ്റെടുക്കാനുള്ള ഒരു ശ്രമം നടത്തി. മലയാളിയുടെ മദ്യാസക്തിയും, സ്ത്രീ പീഢന വ്യഗ്രതയും , സ്വര്‍ണ്ണ ഉപഭോഗത്തിലെ ഭ്രാന്തും
നമ്മുടെ സ്ത്രീ പ്രീണനത്തിന്റെ പരിണത ഫലങ്ങളാണെന്ന തോന്നലുള്ളതുകൊണ്ട് ഈ വിഷയത്തിലുള്ള വിവിധ കാഴ്ച്ചപ്പാടുകളുള്ള അവതരണം ബൂലോകത്ത് നടക്കട്ടെ എന്നാശിക്കുന്നു.
ചേലനാട്ടിന്റെ പോസ്റ്റിലിട്ട കമന്റ് താഴെ:
chithrakaran:ചിത്രകാരന്‍ said...

ആ ഡോക്റ്റര്‍ സത്യസന്ധമായി തന്റെ വീക്ഷണം അവതരിപ്പിച്ചതല്ലേ ? അതിനെന്തിനാണ് അയാളെ അപ്പോത്തിക്കിരിയും പഴഞ്ചനുമായി ചവറ്റു കൂടയിലേക്ക് എഴുതി തള്ളുന്നത്!
അയാള്‍... പുരുഷന്‍ ജോലി പുറത്ത് ജോലി ചെയ്യുന്നതും,സ്ത്രീ വീട്ടില്‍ കുടുബകാര്യങ്ങള്‍ നോക്കി നടത്തുന്നതുമായ പഴയതും എന്നാല്‍ ഇപ്പോഴും അപൂര്‍വ്വമല്ലാത്തതുമായ കുടുബ സാഹചര്യത്തിലിരുന്ന്
വളരെ സദുദ്ധേശപരമായി തന്റെ കാഴ്ച്ചപ്പാട് വിശദീകരിച്ചതല്ലേ?
ഇന്നത്തെ കാലത്തുള്ള നമുക്ക് പരിചിതമായ ഭാര്യയും ഭര്‍ത്താവും ജോലിചെയ്യുന്ന കുടുബത്തെക്കുറിച്ചുള്ള കാഴ്ച്ചപ്പാടല്ല അദ്ദേഹം പറഞ്ഞതെന്ന് നേരാണ്.
ആ പശ്ചത്തലത്തില്‍ നിന്നും വേറൊരാള്‍ക്ക് കുടുബത്തിന്റെ സുഗമമായ ഒഴുക്കിനായുള്ള നിര്‍ദ്ദേശങ്ങള്‍ സ്വന്തം കാഴ്ച്ചപ്പാടായി എഴുതുകയോ ബ്ലോഗില്‍ പോസ്റ്റുകയോ ചെയ്യാമല്ലോ.

അയാളെ അടച്ഛാക്ഷേപിക്കുന്നക്കുന്നവര്‍ പുറം തൊഴിലെടുത്തു ജീവിക്കുന്ന ദംബതികളുടെ ഞാണിന്മേല്‍ കളിപോലുള്ള കോമ്പ്രമൈസ് കൊണ്ട് തട്ടിപ്പൊതുക്കി മുന്നോട്ടുകൊണ്ടുപോകുന്ന ശീതയുദ്ധസമാനമായ ദാംബത്യങ്ങള്‍ കാണാതെ പോകുന്നതെന്ത് ! അമ്മയുടെ സ്നേഹ സാമീപ്യമറിയാതെ വളരുന്ന മക്കളുടെ കാര്യങ്ങള്‍ മൌനം കൊണ്ട് അടച്ചുവക്കുന്നതെന്ത്.
സാമൂഹ്യവും സാംബത്തികവുമായ കാരണങ്ങളാലാണെങ്കിലും
തന്റെ ഇണയെക്കൂടി പുറം ജോലിക്ക് പറഞ്ഞുവിടേണ്ടി
വരുന്നത് പലപ്പോഴും കുടുമ്ബത്തിലെ പുരുഷന്റെ കഴിവുകേടുകൊണ്ടുകൂടിയല്ലേ?; കാലത്തിന്റേയും,സമൂഹത്തിന്റേയും.

ഓരോ കുടുംബവും സമൂഹത്തെ നിര്‍മ്മിക്കുന്ന ഒരു സ്ഥാപനമാണ്.അതുകൊണ്ടുതന്നെ സമൂഹത്തിന്റെ സുസ്ഥിരത കുടുബത്തിന്റെ ആരോഗ്യത്തെ ആശ്രയിച്ചിരിക്കുന്നു.കുടുംബം സ്നേഹവും സുരക്ഷയും മാത്രം മൂലധനമായി തുടങ്ങാവുന്ന സ്ഥാപനമാണ്.പുറമേനിന്നുള്ള മറ്റ് ഏത് ഘടകവും കുടുംബാത്തിന്റെ രാഷ്ട്രീയത്തെ ദുര്‍ബലപ്പെടുത്തും.

സ്ത്രീപുരുഷ സാംബത്തികസമത്വത്തിലധിഷ്ടിതമായ കുടുംബം ഒരു പര്‍ട്ണര്‍ഷിപ്പ് ഫേമാണ്.കുടുംബം എന്ന് നാം അതിനെ വിളിക്കുന്നത് രൂപപരമായ നമ്മുടെ ധാരണകള്‍ക്ക് മനസ്സില്‍ കൂടുതല്‍ പ്രാമുഖ്യമുള്ളതുകൊണ്ടായിരിക്കാം. വാസ്തവത്തില്‍ അതു കുടുംബമായതുകൊണ്ടല്ല.കുടുംബം ഒരു കൂട്ടു കച്ചവടമാകുംബോള്‍ അവിടെ രണ്ട് ആണിനു മാത്രമേ ഇടമുള്ളു. പെണ്‍‌രൂപമുള്ള ആണും, ആണ്‌രൂപമുള്ള ആണത്വം നഷ്ടപ്പെട്ടവനും.

പരിഷ്കൃതരെന്ന് സ്വയം കരുതുന്ന വിദ്യാസംബന്നരായ വിഭാഗത്തിന് പങ്കു കച്ചവടത്തിലെ സാങ്കല്‍പ്പിക കുടുബത്തെ താത്വികമായി ന്യായീകരിക്കാനും, കണ്ടുംകൊണ്ടും അഡ്ജ്സ്റ്റ് ചെയ്ത്
പുറത്തേക്ക് മാതൃകാദാംബത്യം വിളംബരം ചെയ്യാനുമുള്ള ബുദ്ധിവൈഭവം പ്രകടിപ്പിക്കാനാകും.സത്യത്തില്‍ ഇതൊരു ഉദ്ദ്യോഗസ്ത ന്യൂനപക്ഷമാണ്.

എന്നാല്‍, 4000 വര്‍ഷത്തിലേറെ പഴക്കമുള്ളതും, പുതിയ കുടുംബവഴക്കങ്ങളൊന്നും പരീക്ഷിക്കാന്‍ പരീക്ഷണ താല്‍പ്പര്യമില്ലാത്തവരുമായ വിഭാഗത്തെക്കുറിച്ചായിരിക്കണം ആ ഡോക്റ്റര്‍ തന്റെ അനുഭവം വച്ച് ഉപദേശിക്കാന്‍ ശ്രമിച്ചത്.

അയാളുടെ സിദ്ധാന്തവും ശരിയാണ്.
എത്ര പോക്കിരിയായ പുരുഷനാണെങ്കിലും സ്നേഹം എന്തെന്നറിയുന്ന സ്ത്രിക്ക് പുരുഷനെ ഉള്ളം കയ്യില്‍ നിര്‍ത്താനാകും. പക്ഷേ,നമ്മുടെ പുതു സമൂഹത്തില്‍ കാണുന്നതുപോലെ അതൊരു കീഴടക്കലല്ല.മറിച്ച് മനസ്സിലാക്കലാണ്.സ്നേഹിക്കലാണ്.ആ സ്നേഹത്തിനു മുന്നില്‍ പുരുഷന്‍ ചക്കുകാളയെപ്പോലെ പ്രദിക്ഷണം വച്ചുകൊണ്ടിരിക്കും.ആണത്വത്തോടെ ! ആ ഡോക്റ്റര്‍ അത്രേ പറഞ്ഞിട്ടുള്ളു എന്നാണ് ചിത്രകാരനു തോന്നുന്നത്.

കൂടുതല്‍ പെണ്മക്കളുള്ള അച്ഛനമ്മമാരാണ് സ്ത്രീപുരുഷ സമത്വത്തിനുവേണ്ടി പുരുഷന്മാരുടെ വരിയുടക്കലിന്
ആഹ്വാനം നല്‍കുന്നതെന്നാണ് ചിത്രകാരന്റെ നിരീക്ഷണം. ശരിയാണോ ആവോ !

സസ്നേഹം,
ചിത്രകാരന്‍കണ്ടാമൃഗം :)ഹഹഹ.....

1 comment:

സത്യാന്വേഷി said...

ചിത്രകാരന്റെ പ്രത്യയശാസ്ത്ര അടിത്തറ ഭദ്രമല്ല എന്നത് മുൻപേ നിരീക്ഷിച്ചിട്ടുണ്ട്. അതിനു മറ്റൊരു തെളിവാണ് രാജീവിനു നൽകിയ മറുപടി. എന്തായാലും രാജീവ് ഭംഗിയായി ചിത്രകാരനു മറുപടി നൽകിയിരിക്കുന്നു.കാണുക:"that observation of yours that, it is a man's impotency if he has to send his wife outside for work..it was something unexpected from your side. in a social life, there is nothing wrong or out of the way, if both the partners work outside or inside and become financially independent. swasrayam, at least in that, and in case of worst sitution. if you had a good job, and enough of bank balance, and despite that, your wife wants to have her own occupation and earning, would you object or consider it as your weakness? if u do think so, no more comments.

and if you are so committed and tolerant to such open and frank opinions, why did u treat the so-called 'savarnas' and 'chathurvarnyam; with such vigour all along and stood for the oppressed and low castes? those old 'savarnas' were expressing or practicing their own open and frank convictions/beliefs and they had lived in their own backgrounds. why do you shout and abuse and fight with them. let them do it sir..and spare me.."

Translate

Followers