രാജ്യത്തെ വസ്ത്രാക്ഷേപം ചെയ്യുംബോള്‍ ...

ആരുടെ വസ്ത്രാക്ഷേപമായാലും ഒരു അടിമ രാജ്യത്തെ പ്രജകളെ സംബന്ധിച്ച് കണ്ടിരിക്കാന്‍ നല്ലൊരു കലാപരിപാടിയാണ്.
കോണ്ടിനെന്റല്‍ വിമാനക്കംബനിയുടെ ഇന്ത്യയിലേക്കുള്ള സര്‍വീസുകള്‍ നിര്‍ത്തലാക്കുന്നതിനായി ഉത്തരവിടാനുള്ള ആത്മാഭിമാനമോ രാഷ്ട്രീയ ഉണര്‍വ്വോ ഉള്ളവരൊന്നും നമ്മുടെ അധികാര സ്ഥാനങ്ങളില്‍ ഇതുവരെ എത്തിച്ചേരാന്‍ ഇടയായിട്ടില്ലെന്ന് ഈ സംഭവം വ്യക്തമാക്കുന്നു.
പ്രതീകാത്മകമായ സാങ്കല്‍പ്പിക ജനാധിപത്യം നിലവിലുള്ള രാജ്യത്ത് ഇറ്റലിക്കാരും,അമേരിക്കക്കാരും,ബ്രിട്ടീഷുകാരും തന്ത്രികളായി വന്നുപോയിക്കൊണ്ടിരിക്കും. ഗുമസ്ത-ശാന്തിപ്പണിചെയ്യുന്ന മന്ത്രിമാര്‍ക്ക് തന്ത്രിയെ അനുസരിക്കുകയല്ലാതെ മറ്റു വഴിയൊന്നുമില്ലെന്ന് സാരം !
ആത്മാഭിമാനമില്ലാത്ത ജനങ്ങള്‍ അധിവസിക്കുന്ന രാജ്യത്തിന്റെ മുന്‍രാഷ്ട്രപതിക്ക് മാത്രം അന്തസ്സ് ലഭിക്കണമെന്നു പറയുന്നതില്‍ ന്യായവുമുണ്ടെന്നു തോന്നുന്നില്ല.അധികാരത്തിലിരിക്കുംബോള്‍ പ്രയോജനമുണ്ടെന്ന കാരണത്താലെങ്കിലും ബഹുമാനിക്കപ്പെട്ടേക്കാം.അധികാരമില്ലാതാകുംബോള്‍ ലഭിക്കുന്ന ബഹുമാനമാണ് സത്യത്തിലുള്ള ബഹുമാനം. സ്വന്തം ദുരവസ്ഥയുടെ കണ്ണാടി പ്രതിബിംബം !!!
ഒരു രാജ്യത്തിന്റെ നാണം കെട്ട അവസ്ഥ !
വീട്ടില്‍ കയറിവന്ന പിച്ചക്കാരന്‍ വീട്ടുടമസ്ഥനെ ബഹുമാനിക്കുന്നില്ലെന്ന്‌...ഹഹഹ!!!
ഹിന്ദുവായാലും,മുസ്ലീമായാലും ജനങ്ങള്‍ ആത്മാഭിമാനംകൊണ്ട് ശക്തരാകുക മാത്രമേ വഴിയുള്ളു.
(ആ സാധനമാണ് നമുക്കറിയാത്തതും.ദുരഭിമാനമാണെങ്കില്‍ ധാരാളം സ്റ്റോക്കുണ്ടായിരുന്നു.പുഷ്പ്കവിമാനം കണ്ടുപിടിച്ച മഹാന്മാരുടെ രാജ്യമല്ലേ ?)

ബെര്‍ളിയുടെ ബ്ലോഗില്‍ നിന്നും ഒരു രാഷ്ട്രീയ നിലപാടുള്ള പോസ്റ്റ് വായിക്കാനായതില്‍ സന്തോഷം.